الجامعة

احنا ما عندناش بنات تروح الجامعه ما انتى عارفه عوايدنا يا بسنت يا بتى

بسنت قالت… ايوه يا ابوي بس انا جايبه مجموع وناجحه وبعدين ما نفسكش تشوفنى الدكتوره بسنت جمال الشافعى

ابوها قال…. ايوه يا بتى نفسي بس هنا ما بيعلموش البنات اهنه

بسنت قالت بدموع.. يعنى ما اروحش الجامعه خلاص يا ابوى

ابوها قال… لا يا بسبوسه روحي

بسنت قالت…. جد يا ابوي

ابوها قال… ايوه جد يا قلب ابوكى

بسنت قالت…. تسلم يا غالي بس ابقى اقول لاخويا عاد عشان ده براس كلبه

قال… لا انا هكلمو روحي انتى جهزي شنطتك

بسنت قالت… ماشي يا ابوي جري اهه وراحت بسرعه جهزت شنطتها وركبت القطر وفي اول محطه وقف قصادها شاب

وقال… الكرسي بتاعي جمبك

بسنت قالت… اه اتفضل

الشاب قال… ميرسي وقعد جمبها بسنت كانت قاعده بتبص في كتابها

الشاب قال… هو انتى هنا لوحدك

بسنت قالت… ايوه

الشاب قال… ما فيش حد من اصحابك او حد من اهلك

بسنت قالت… ملكش صالح بيا خليك في حالك

الشاب قال… ليه كده بس الطريق طويله نتكلم شويه

بسنت قالت…. انت ما بطلتش لك من ما ركبت شكلك فاضي وانا مش فاضيه بصراحه

الشاب قال… ليه مش فاضيه مشغوله ب ايه

بسنت قالت…. ب دراستي اللي انا سايبه بلدي وناسي وجايه ادرسها اهم من الكلام معك ولا ايه

الشاب قال… اه طبعا انا قصدي كنت هتعشى ف قلت لو ما تعشيتيش نتعشى سوا

بسنت قالت… لا شكرا

الشاب قال… يعني تتسلى شويه يعني زي ما بيقولو الطريق بالرفيق

بسنت قالت… لاقيلك حاجه مفيده سلى فيها الطريق مش معاك مذاكره طلع القران

الشاب قال.. اه صحيح انتى اسمك ايه

بسنت قالت… ما لكش صالح

قال… برده ماشي مخطوبه

بسنت قالت… انا بعد كده ما هردش عليك على فكره

ند ايده وقال… انا اسمي رامى بسنت ما ردتش عليه نزل ايده وقال.. انت شكلك مش من هنا انتى من فين طيب خليني اخمن لو قلت اسم البلد صح تقوليلي ولو قلت غلط ما ترديش ايه رايك بسنت اتنهدت وما ردتش عليه

رامى قال… تمام اتفقنا من روسيا صح

بسنت قالت بستغراب… اشمعنا روسيا يعني

رامر قال… اصل انا بصراحه سمعت كتير جدا عن جمال البنات الروسيات فمن جمالك كده توقعت انك تكوني روسيه

بسنت سابت الكتاب وقالت… غلط على فكره مش بس البنات الحلوين بيكونوا اجنبييات في عندنا هنا في مصر بنات جميله جدا يعني عندك انا مثلا مش من روسيا انا من الصعيد

رامى قال… ايه ده بجد احسن ناس وانتى ايه في منك بقى على كده في الصعيد ولا اخر نسخه

بسنت قالت… لا خلاص هو انت محطتك فين يعني هتطول

رامى قال… ايه ما حبيتيش قعدتي

رامى قالت بسرعه… لا بصراحه

رامى قال… ليه ده انا بالعكس حتى حبيت القعده معاكي

بسنت قالت.. عشان من ساعه ما ركبت وانت قاعد لوك لوك ما بطلتش رغى ما خلتنيش اقرا سطرين في الكتاب على بعض محمولي بيرن استنى

رامى قال… محمولي

بسنت قالت.. ايوه يا بوي كيفك.. ايوه الحمد لله زينه ركبت القطر من شويه وطلع… ايوه لا اول ما هوصل هرن عليك على طول …لا يا ابويا والله ما هنساش اول ما هنزل ماشي يا غالي تأمر بحاجه.. الله يخليك يلا تصبح على خير في رعايه الله يلا مع السلامه وقفلت التليفون

رامى قال… ده والدك

بسنت قالت… القطر مليان لاقيلك واحده اتكلم معاها

رامى قال… بس انتى في الكرسى اللي جنبي ف هعرف اتكلم معاكي هم بعاد قوليلى بقى انتى بتدرسى قسم ايه

بسنت قالت… انا ما سالتكش انت بتدرس ايه يبقى متسالنيش

رامى قال.. انا بشتغل مهندس مع بابا مش بدرس انتى بقى بتدرسي ايه

بسنت قالت… طب

رامى قال… اول سنه ليكي

بسنت قالت… ايوه اول سنه ان شاء الله

رامىقال… اصبري الفون بتاعي بيرن

بسنت قالت.. يادي النيل عليا ‏

رامى قال… الو ايوه انا في القطر لسه ما نزلتش اوكي مفيش مشكله لا تمام عادي .. لما اوصل ابقى اقولك ماشي يا رؤوف تمام لا انا مش هروح هناك تاني … خلاص يا سيدي لو عايزها يروحلها هو انا خلاص…. لا هو كده انا محبش اللي تقعد تقولي بابي ومامي وما اعرفش ايه يا سيدي دي عايزه اللي يحطلها المناكير جواز ايه بس ومسؤوليه ايه بص انا اساسا قلت لبابا الكلام ده بس هو مصمم ان انا اخطبها وخطبتها علشان يسكت لا يا عم هي كانت دبله وخلاص لا ماشي انا بكلمك لما ابقى في الاوضه علشان دلوقتي في القطر وفي ناس وكده تمام وقفل التليفون

وقال… ده اخويا رؤوف اصل بابا كان شايف بنت تبقى بنت صاحبه معاه في الشغل وعايزنى اتعرف عليها انا لما شفتها بصراحه ما عجبتنيش يعني مش شكلها شكلها جميل بس كده يعني محستهاش

بسنت قالت… معلش بس هسالك سؤال يعني لو مش هتطفل على حياه حضرتك

رامى قال.. لا اتفضلى

بسنت قالت… انا مالى انا بده كله انا مالي انا يعني بتحكيلي ليه

رامى قال… قلتلك بنقصر الطريق

بسنت قالت… طيب انا عايزه اقرا ممكن

رامى قال… اوف انتى باين عليكى ممله بعد وقت كان وصلوا وبسنت ركبه التاكسي وراحت على بيت خالها

وقال … اهلا يا بسنت يا بنتى اتفضلى

بسنت قالت…. اهلا يا خالى

قال… اطلعى خدى دوش وتعالى عشان تتغدى اول اوضه هتقابلك فوق

بسنت قالت…. ماشى يا خالى وراحت على الاوضه اخدت شور وبدلت هدومها ونزلت قعدت معاهم

وقعدت جمبها مروه وقالت… جيتى بدرى مش تتفرجى على البلد وتقولى القطر اتأخر

بسنت قالت… ليه سايبه زيك وتعشو وطلعو اوضتهم في صباح يوم جديد كانت بسنت راجعه من الجامعه مع مروه وقالت…. كان يوم جميل النهارده الحمد لله

مروه قالت….. هو دايما اول يوم بيبقى حلو واخر يوم المشكله بقى فى السنه

بسنت قالت… لا انا بشوف ان السنه كلها حلوه بعدين احنا لازم نشتغل علشان نطلع حاجه

مروه قالت… عندك حق بس متعبه لو كان نجاح من غير مذاكره مش كان احسن

بسنت قالت…. لا طبعا مش احسن عشان انتى لو نجحتى من غير ما تزاكري مش هتحسى بفرحتها لان لو كل الناس هتنجح كده ليه اللي بينجح بيوصل واللى ما بينجحش لا

مروه قالت… واجهه نظر بنت يا بسنت

بسنت قالت… خير

مروه قالت… في ولد ماشي ورانا من عند الجامعه

بسنت قالت… يا لهوي قاطرنا

مروه قالت… هو ده ماشي وراكي ولا ماشي ورايا لو ماشى ورايا هروحله وش

بسنت قالت… اتلمي بقى انتى جايه تدرسي ولا جايه تتصرمحي وبعدين يمكن بيته جنبكم

مروه قالت…. يا بنتي انتى على طول كده ده مش جارنا لو كان جارنا انا كنت عرفته بسنت بصت وراها بس برقت بصدمه لما لقيته رامى نفس الشاب اللي كان معاها في القطر

قالت… يا نهار اسود ماشي ورايا ليه

مروه قالت… انتى تعرفيه

بسنت قالت…ده شاب كده كان راكب جارى في القطر وقعد يقول كلام كده غريب يعرف عن نفسه ويتحشر فى المواضيع

مروه قالت… يا بنتي اسمه بيتعرف الناس بتتعرف يخرب بيتك فقريه زي مامتك سابت البلد هنا والناس اللي فيها وراحت اتجوزت واحد صعيدي بعمه

بسنت قالت…. على فكره دا ابويا وبعدين ماله الصعيدي وحش العمه مش احسن من البنطلونات اللي انتم لابسينها دى وراحت عنده وقالت…. ماشي ورايا ليه

رامى قال… مبدئيا انا مش ماشي وراكي ماشي ورا القمر اللي جنبك

مروه قالت… ميرسي انا اسمي مروه بنت خال بسنت

بسنت قالت… قلتيله اسمي ليه ايه ده

رامى قال… هو انتى اسمك بسنت اسم جميل

بسنت قالت… ليه هو انتى ما تقوليلهوش اسمك امبارح في القطر

بسنت قالت…. اقعدي ساكته لو سمحت روح وبطل تمشي ورايا بدال ما ارقع بالصوت واقول حرامى

رامى قال…. بقى ده منظر حرامي بذمتك محدش هيصدقك

بسنت قالت… خلاص هقول متحرش وانت منظرك متحرش بصراحه

رامى قال… ليه كده يا بوسبوس شايفه حمدي الوزير واقف قدامك انا عايز اتعرف

بسنت قالت… انا عايزه اعرف انت مالك بيا قولتلك مش عايزه اتعرف عليك هو بالعافيه وبعدين هقول لخالي لو ما اتلمتش ابو البنت السايبه دي قصدي ابو البنت دى

رامى قال.. طب هاتى رقمك

بسنت قالت… واه انت ما هتجيبهاش لبر يا جدع انت ولا ايه روح من هنا يلا وانتى مدي شويه خلينا نروح وسابته ومشيت روحت البيت وباليل كانت بسنت قاعده بتذاكر بس الفون بتاعها رن

قالت… ده رقم غريب مش متسجل

مروه قالت.. طب ما تفتحي وتشوفي مين

بسنت قالت… لا خايفه يكون حد بيعاكس ولا حاجه

مروه قالت…. انتى لسه عايشه على الايام دي افتحي التليفون يمكن يكون حد من عندك متصل بلاش هبل

بسنت قالت.. طيب وفتحت التليفون وقالت.. السلام عليكم

قال… وعليكم السلام بسنت برقت بشده وقالت… مين معايا

قال… غريبه الشويه اللي سكتيهم دول بيقولوا انك عرفتى مين اللي معاكي ولا انتى نسيتي اسمي لانه واضح انك عرفتى الصوت كويس اوي

بسنت قالت… انت جبت الرقم بتاعي ازاي

رامى قال… عادي بنت خالك رميتهولي فى ورقه قديمه شويه بس حلوه بسنت بصيت لمروه بغيظ مروه عملت نفسها نايمه لانها فهمت انه رامى

بسنت قالت… انت عايز ايه منى البنات كتير يا اخي قاعد ماسك فيه انا ليه

رامى قال… بصراحه عجباني وعايز اتعرف انتى ليه مش عايزه تجربي مش يمكن اعجبك

بسنت قالت… شوف يا استاذ قلتهالك كلمه في القطر بس انت واضح كده انك ما فهمتهاش انا سايبه البلد والناس وجايه اذاكر ادرس وعايزه ادرس بس وذاكر وانجح اما اللي انت عاوزها تتمرقع معاك دى مش انا وقفلت التليفون فى وشو وحظرت الرقم وبصيت لمروه قالت… اديتيلو الرقم ليه

مروه قالت… ايه يا بنتي حرام عليكى بهدلتيه انا شفتها كده في الفيلم لما كان عايز يتعرف على البنت وهي ما رضتش قامت بنت خالها رمتلو الورقه وحدفتهالو من باب العربيه هي احسن مني يعنى

بسنت قالت… نامي يا مروه نامي بدل ما انومك على طول ونامت في صباح يوم جديد كانت رايحه الجامعه وفي بنت خبطت فيها وقعت شنطتها على الارض

وقالت.. انا اسفه اسفه جدا والله من غير قصد

بسنت قالت… لا عادي عادي ولا يهمك ولمو الشنطه ومشيت وراحت قعدت في الديسك بتاعها وابتدت المحاضره بسنت فتحت شنطتها بس لقت فيها ورده حمرا جوه الشنطه بصت للورده باستغراب بس شافت رامي واقف عند الشباك وعمللها قلب بايده بسنت بصيتله بشده ورامى ضحك على بصتهاوبسنت بصت قدامها ورامى فضل مستنيها بعد شويه كانت خلصت المحاضره بسنت طلعت لقيته في وشها

وقال…. ممكن نقعد في الكافتيريا شويه بس وهمشي والله مش هاخرك بسنت راحت معاه وقعده قصاده

وقالت…. انا جيت علشان تبطل ذن ليه الحركه البايخه اللي انت عملتها دي معرفتش الدكتور بيقول ايه من الخربطه اللي انا فيها

رامى قال… انتى مش عارفه المعيد بيقول ايه انا مش عارف الدنيا بيحصل فيها ايه من ساعه ما شفتك مش عارف اكملها زي ما كنت مكملها قبلك ولا عارف اكمل كانى ما شوفتكش بشوفك في كل حاجه تخيلي انا مره بجد فتحت الملفات في الشركه عندي شفتك تصدقي

بسنت قالت… لا ما مصدقاش انا مالي يعني انت بتشوفني في الملفات انا مال امي قلتلك مش فاضيه للحركات دى احنا صعايده يعني ما ينفعش عندنا الكلام ده لو حد شم خبر باللي انت بتعمله ده على طول انا عندي اخو مجنون ودمه حامي على فكره ولو شاف عمايلك دى هيقطعك

رامى قال… طب ممكن تديني رقمو

بسنت قالت… مالك بيه كمان

رامى قال.. هطلبك منه

بسنت قالت… تطلبني كيف يعني

رامى قال… هطلبك للجواز

بسنت قالت… انت باين عليك مجنون يا جدع انت

رامى قال… مش اوي

بسنت قالت… اول الحاجه انا لسه في اول سنه في الجامعه يعني لسه قدامي مش اقل من ست سنين غير السنه دي لو اعتبرنا انها خلصت مع ان النهارده تانى يوم فيها تاني حاجه كمان انا مرضتش اتجوز في الصعيد علشان جواز صالونات اجى اتجوزه هنا

رامى قال… مين قالك انه جواز صالونات ده جواز حب حب من اول محطه

بسنت… ايه حب من اول محطه دى طب اول نظره وعرفناها جبت اول محطه دي من فين

رامى قال… مش احنا كنا في القطر وشوفتك فى اول محطه وكده

بسنت قالت.. افيه و كده يعني بايخ

رامى قال.. ايه يا عم ليه كده طب مش يعني ناخد وندي بشكل ودي

بسنت قالت… بقولك ايه انا عندي محاضرات وعندي دراسه وعندي حاجات كتير لازم اعملها

رامى قال… انتى ما سمعتيش يعني عن البنات اللي بتتجوز وهي بتدرس ويخلفوا وهم بيدرسوا

بسنت قالت.. لا ما سمعتش ما عاوزاش اسمع من بعد اذنك انا عندي شغل

رامى قال… طب هشوفك تانى

بسنت قالت… يا لهوي ومشيت ورامى روح على البيت وكان في راجل في ال60 قاعد على الكنبه

وقال.. تعالى شرفت يا شملول

رامى قال… بابي انا اسف

قال… على ايه يا اخويا على الصفقه اللي طارت قلتلك اخطب البنت ست شهور بس على بال ما اخلص الصفقه وبعد كده افسخها تقوم تفسخها في اليوم اللي هنعمل فيه الصفقه

رامى قال… مش انت قلتلي ست شهور خلصو

ابوه قال…. يا سلام في اليوم اللي هنتمم فيه الصفقه طب اصبر لليوم اللي بعده

رامى قال… بابى انا قلتلك من الاول انا ما اقدرش ابقى خاطب لمصالح شخصيه تخيل كنت بسرح شعري كده قدام المرايه افتكرت الموضوع حسيت ان انا انتهازي

قال… ايه دخل احساسك بانك انتهازى بشكلك فى المرايا ما فهمتش

رامى قال… لا عادي انا كنت واقف يعني عادي جدا في امان الله حسيت بس ابوه قاطعه

وقال… رامي حبيبي ليه ليه يعني ليه انت حتى مسلطك عليا حد قالك رامي حبيبي روح شل بابي بابى

رامى قال… لا بعيد الشر عنك

ابوه قال… عايز تشلني يعني لما تشيلني هتستفاد حاجه طيب ليه ليه بتعمل فيا كده

رامى قال… يا بابي انا قلتلك اللي حصل شايف واحده جديده وهموت عليها بصراحه بس هي مش مدياني ريق حلو اول ما تديني ريق حلو هعرفك عليها على طول

ابوه قال… يا رب ما تديك

رامى قال… فين رؤوف

ابوه قال.. ما اعرفش ومش عايز اعرف رامى طلع على اوضته بالليل حاول يتصل بيها ما قدرش يوصل راح اوضه اخوه

و قال… حبيب قلبي

رؤف قال… مدام قلت حبيب قلبي يبقى عايز حاجه من بابا معلش زعلان مني انا كمان

رامى قال.. ليه

رؤف قال.. اتخانقت مع مراتي راحت عند ابوها وشاكتله مني ابوك قال هتخسرنى اخويا العادى بتاعنا يعنى انت عايز ايه

رامى قال… لا انا مش عايز حاجه من بابا انا عايز تليفونك بس اعمل منه مكالمه

رؤف قال.. خد بس اوعى تكون مكالمه كده ولا كده علشان مراتي مراقبه التليفون

رامى قال…. يا ساتر ليه متجوزه جاسوس

رؤف قال… قلها دى مجنونه محمله برنامج وبتاع عشان تعرف بعمل ايه

رامى قال… يا اخي الله يلعن الجواز وسنينو هات تليفونك هات واتصل من رقم رؤوف بسنت كانت قاعده بتذاكر وجلها رقم ردت

وقالت… السلام عليكم

رامى قال… وعليكم السلام ورحمه الله وبركاته يا شيخه بسنت انتى عامله ايه كويسه

بسنت قالت.. هو انا مش حظرتك امبارح ازاي كده

رامى قال… لا دا تليفون تاني انتى حضرتي رقمي بس رقمك قاعد هو هو على فكره اكتر حركه غبيه شفتها في الحياه دا تليفون اخويا بكره الصبح اروح الشركه اجيب 17 18 19 20 خط وافضل كل ما تحظري واحد اتصل بالتاني

بسنت قالت… يا سلام

رامى قال… ايوه

بسنت قالت…. وليه كل التعب دا

رامى قال.. عشان انتى تستاهلي التعب بصراحه تستاهلي اني افضل احاول لا اكل ولا امل لحد ما تردي عليا انا عاشقك يا بنت اعملك ايه بقى ما تحسي بيا

بسنت قالت… عاشق مره واحده انت عارف معنى الكلمه دي

رامى قال.. طبعا

بسنت قالت… طب يعني ايه عاشق يا سيد العاشقين

رامى قال… اقولك يا ست المعشوقين عاشق دي يعني متيم يعني من الراس لحد القدم يعنى افضل احب من غير اي مقابل يعني انا ممكن افضل احبك كده من غير ما اطلب منك اي حاجه خالص كل اللي انا طالبه بس انك تسمعيني صوتك أو حتى اشوفك من بعيد عاشق يعنى اشوفك فى كل مكان اشوف وشك فى كل البنات يعنى ما يبقاش غير اسمك على لساني عاشق لما اسيب كل البنات دول علشانك انتى بس عاشق لما ما يهمنيش احساس العالم كله وما احسش غير بيكي انتى بس عاشق لما ابتسم لابتسامتك وازعل لدمعتك بس سكت شويه وقال… الو انتى معايا بنت يا بسنت انت نمتي ولا ايه يا بت بسنت كانت كاتمه ضحكتها بالعافيه

ورامى قال.. بسنت شكلها نامت دي ولا ايه وقفل التليفون ونام هو كمان في صباح يوم جديد كانت بسنت رايحه الجامعه ورامى وقف قدامها بعربيته

وقال… اركبي هوصلك

بسنت قالت… لا شكرا مش عايزه اركب ما بركبش مع رجاله غريبه انا

رامى قال.. انا رجاله غريبه اخص عليكى يا بوسبوس يا بت اركبي

بسنت قالت.. قلتلك لا

رامى قال… طب قوليلي انتى نمتى امبارح وانا بكلمك

بسنت قالت… لا كنت صاحيه

رامى قال… وما كنتيش بتردي عليا ليه

بسنت قالت بعفويه… عشان رصيدك يروح في الهوا تقوم تزهق وتقفل وما تتصلش تاني

رامى قال… ايه الغباء ده

بسنت قالت.. ليه طب ما انا عملت كده وانت قفلت وما اتصلتش تاني

رامى قال…. عشان فكرتك نمتي قلت بدل ما اضايقك واصحيكي

بسنت قالت… يا سيدي على الرومانسيه

رامى قال.. طب بقولك ايه نعمل الخطوبه فى الدراسه اول ما تبقى تتخرجي نبقى نتجوز

بسنت قالت… هتخطبني كل المده دي

رامى قال… عادي انا مكتفي بصوتك وبنظره من عينك دول عندي بالدنيا واللي فيها

بسنت قالت.. انا عندى محاضره وانت هتاخرنى عليها وسابته ومشيت بعد فتره كانت خلصت محضرتها وراجعه على البيت بس لقيته مستنياها عند الجامعه

وقال… تعالي هوصلك

بسنت قالت… يا لهوي انا مش قلتلك لا الصبح واقف ليه انت هنا من الصبح

رامى قال… ايوه ما انا قلتلك ان انتى تستاهلي لا اكل ولا امل يلا بقى اركبي

بسنت قالت.. لا ما عاوزاش

رامى قال… طب انا جبتلك هديه

بسنت قالت… بمناسبه اي بقى

رامى قال.. بمناسبه عيد ميلادك

بسنت قالت… انت عرفت من فين

رامى قال… عادى جبته من الجامعه

بسنت قالت.. وهما عادى بيدو بيانات الطلاب عادي كده لاي حد

رامى قال… لا ما انا مش اي حد انا اعرف واحد فى الجامعه كده يعني فجابهولي في الخباثه ده طبعا مش قانوني بس اهو جابه

بسنت قالت.. طب روح من هنا بدال ما ابلغ عليكم انتو الاتنين انت وصاحبك

رامى قال… تعالى بس هقولك حاجه وبعدو من الجامعه شويه

وبسنت قالت.. ايه عايز ايه رامى شدها من وسطها لعنده وقرب منها في لحظه جميله بسنت اتفاجئت وسندت ايديها على كتفه بس بعدت عنه وبصتله بدموع ومشيت رامي راح بالليل وبقى يحاول يكلمها زى كل يوم بس ما كانتش بترد عليه بقى يحاول بس من غير فايده تاني يوم راحت الجامعه رامى بقى ينادي عليها بس ما ردينش عليه رامى جرى وراها

وقال.. انا بحاول اتواصل معاكى من امبارح بس انتى بسنت ما ردتش عليه وبقت تمشي رامى مسك ايدها بيحاول يوقفها بس بسنت سحبت ايدها ومشيت تاني وبعد فتره كانت خلصت دوامها وروحت على بيتها بعد ٣ ايام كان رامى بيحاول يشوفها من غير فايده باليل كانت قاعده في اوضتها بتذاكر بس حست بحد خبط عند البلكونه لسه هتقوم من مكانها بس شافت رامي واقف قدامها

وقال… وحشتني اوي يا بسبوستى

بسنت قالت.. يا مري انت بتعمل ايه هنا الله يخرب بيتك هتجيبلي بلوه

رامى قال.. اهدي اهدي انا بقالى ٣ ايام بحاول اشوفك مش عارف وبقالك يومين ما جيتيش الجامعه قلقت عليكى جدا قلت لازم اشوفك واتطمن عليكى

بسنت قالت بغيظ… انت مالك تشوفني ليه اصلا وتقلق ليه وتطمن ليه اوعى تفكر انى ساكته عشان راضيه انا ساكته وما بتكلمش عشان انا مش عايزه اعمل مشاكل انا اقدر اتصل باخويا واتصل بابويا واقول لخالي اللى تحت ده انا ممكن ارقع بالصوت دلوقتي واقول عليك حرامي رامى قرب منها

وقال… ما تعمليهاش

بسنت قالت… لا هعملها ما عملهاش ليه يعني

رامى قال… عشان مش ههون عليكى

بسنت قالت…. لا تهون عليا عادي هو انا اعرفك عشان ما تهونش عليا

رامى قال…. كل ده وما تعرفينيش عينيكى بتقول غير كده وقرب منها تاني وحاوط وسطها وقال… عينك في عيني واعمليها كده يعني صرخي قولي ان انا هنا كده بسنت بلعت ريقها بارتباك

وقالت… بعد عني وبقيت تحاول تفك ايده بس رامى شدها ليه بسنا سندت ايدها على كتافه

وقال….. صرخي قولي ان انا هنا

بسنت قالت… انا انا

رامى قال.. انا بحبك وعايز اجي اتقدملك وافقي بقى

بسنت قالت… انت كيف دخلت الاوضه روح لو حد شافك مش هتطلع عايش يا حزين

رامى قال… حلوه يا حزين دي بس انا مش حزين ومش هكون مستحيل حد يكون حزين وانتى في حياته خليني ارجع اقابلك تانى وانا اوعدك ان انا مش هبوسك تاني لحد ما اتجوزك

بسنت قالت… يا لهوي ايه الفضايح دي روح بقى

رامى قال… تعرفي شكلك حلو اوي وانتى مكسوفه خدودك بيحمروا وعيونك بيلمعوا شكلك تحفه انتى شكلك بالحجاب تحفه بس من غيره بصراحه دمار اهو انتى الحجاب اتعمل علشانك لان انتى لو نزلتى الشارع كده هتزلزلى الساكن هتفجرى براكين بسنت ما كنتش بترد بس بصيت لنفسها بسرعه لما قال كده وكانت لابسه بيجامه للنوم وفارده شعرها جريت تجيب حاجه تلبسها بس رامى شدها من ايدها تاني وشدها لعنده

وقال… ما تجيبيش حاجه ما انا شفتك خلاص

بسنت قالت.. يا لهوي انت حد مسلطك عليا

رامى قال… اقسم بالله لا ده قلبي اللي مسلطنى بيقولي يلا هتنام كده من غير ما تشوفها

بسنت قالت… انا عايزه اعرف انت عشقت كل ده ميتى