رد الجميل ج2 .حكايات شروق خالد

الـ،،سـ،ـجـ،ـن اتغير شكله تماماً؛ العنبر اللي كانت بتحقمه الشفُرة بالنار والحديد، بقى فيه ورش تعليم خياطة وحرف يدوية، والستات اللي كانوا بيخافوا يرفعوا عينيهم، بقوا بياخدوا شهادات ومحو أمية.

في يوم من الأيام، نزل قرار رسمي من الوزارة بزيارة مفاجئة لتفقد نموذج الإصلاح والتأهيل الجديد في الـ،،سـ،ـجـ،ـن، ومين اللي كان على رأس الوفد؟ الحاجة أمينة بنفسها… بس المرة دي دخلت من الباب الرئيسي، لابسة بدلتها الرسمية، وعلى كتفها النسر والنجوم اللي بيلمعوا تحت الشمس، ووراها وفد صحفي وقنوات تلفزيونية عشان ينقلوا التجربة.

أول ما دخلت الحوش، المكان كله اتسحب منه الصوت، وبعدين فجأة… الحوش كله انفجر بالصقفة والتكبير! السجينات وقفوا على جنبين الممر يحيّوها، مش خوفاً، لكن احتراماً للست اللي جابتلهم حقهم وغيرت حياتهم.

وفي وسط الزيطة دي، الحاجة أمينة لمحت من بعيد زنزانة التأديب، وشافت من ورا المنسور الشفُرة واقفة ورا الحديد، دبلانة، وشها أصفر، ولابسة البدلة المخططة، وبتبصلها بعيون مليانة ندم وكسرة.

قربت الحاجة أمينة من زنزانتها بخطوات ثابتة ووقفت قدام الحديد. الشفُرة نزلت على ركبها ودموعها نازلة مغرقة وشها، وقالت بصوت مخنوق ومتقطع:

— سامحيني يا سيادة اللواء… أنا بقيت بنام وبصحى على شكل إيدي وهي بتمتد عليكي… أنا أكلت الحرام وقسيت على الناس، وده جزايا.
الحاجة أمينة بصتلها بنظرة هادية جداً، وقالتلها بصوت واطي بس يرن في الأذن:

— أنا مش جاية أتشَفّى فيكي يا بنت الناس… أنا جاية أوريكي إن القوة اللي بتتاخد بالظلم والافتراء بتتقطم في ثانية، وإن الضعيف اللي استقويتي عليه، ربنا ممكن يخليه هو السبب في كسر رقبتك.

لو اتعلمتي الدرس بجد، استخدمي السنين اللي فاضلاكي جوه عشان تتغيري… عشان لما تطلعي، تطلعي بني آدمة مش وحش.

سابتها ومشت، والشفُرة فضلت تبكي وتدعي ربنا إنه يسامحها. ومن اليوم ده، بقت حكاية الحاجة أمينة والشفُرة أسطورة حقيقية بتتحكى لكل وافدة جديدة بتدخل الـ،،سـ،ـجـ،ـن:
«مهما كنت فاكر نفسك قوي وعندك نفوذ.

.. إياك تفتري على حد، لإنك ما تعرفش مين اللي واقف قدامك، ولا تعرف ربنا شايلك إيه في اللحظة اللي جاية!»

#حكايات_شروق_خالد

وتسربت الحكاية من جوه أسوار الـ،،سـ،ـجـ،ـن لبره، وبقت على كل لسان في الشارع المصري. الصحافة بدأت تتكلم عن تجربة اللواء أمينة وكيف إن الموقف ده ما كانش مجرد حادثة عابرة، بل كان الشرارة اللي فتحت ملفات مسكوت عنها لسنين في قطاع الـ،،سـ،ـجـ،ـن،،ات.