أصغر حارسة ج2 حكايات شروق خالد
الراجل اللي كان بيخافه الكل، قاعد دلوقتي بيضحك مع بنت خادمة صغيرة، وعينه لمعت برضا وسعادة أول مرة يشوفها في حياته كلها، وكأن القصر المظلــ,,ـــــم اتفتح لأول مرة ودخلته شمس حقيقية تسيح أي حائط سد اتبنى بينه وبين البشر. #حكايات_شروق_خالدرفعت بك فضل باصص دقايق وهو مش مصدق عينه ولا ودنه.
الباشا، الكبير، اللي محدش يقدر يبص في عينه أو يناقشه في حرف، قاعد منزل بنت صغيرة على رجله وبكل هدوء بيعتذر عشان الشغل عطلها؟ بس فجأة، وبشكل مفاجئ لكل اللي قاعدين، شفايف رفعت اتحركت عن ابتسامة خفيفة، تحولت لضحكة خشنة وعميقة خرجت من قلبه وهو بيخبط بإيده على الترابيزة.
هز راسه وقال بصوت كله دهشة: “يا ربي يا دُرة… مبقتش أعرفك خالص. الإمبراطورية دي كلها بتترعب من اسمك، وأنت قاعد هنا مستسلم تماماً قدام بت ماسكة مكنسة بلاستيك؟”دُرة بص لرفعت، ولمس شعر نُهى بحنان وقال بصوت ثابت ومليان يقين: “المافيا الحقيقية يا رفعت مش بالبطش ولا بالقسوة، القوة الصح هي اللي تحمي بيتك وناسك.
والبت دي… هي اللي وقفت في الوش لما الكل اتهز.”نُهى رفعت راسها الصغيرة وبصت لرفعت بك اللي كان شكله لابس بدلة فخمة ومكشر، وقالت بجدية شديدة وهي ماسكة “سويبي” باستماتة: “وأنت… راجل طيب ولا شرير؟ لو شرير، سويبي هتديك على راسك زي الحرامي!
“الكل في الأوضة اتكتم نفسه، وبُرعي اللي كان واقف جنب الباب حط إيده على بقه عشان يداري ضحكته اللي كانت هتفضح الدنيا. رفعت بك فتح عينيه على الآخر من الجرأة، وبعدين بص لدُرة، ولمس دقنه بتفكير.
ومن غير ما يتكلم، مد إيده في جيب بدلته وطلع “بونبونية” بالشوكولاتة، ومدها لنُهى وقال بصوت حنون مستخبى ورا هيبته: “لا يا أميرة… أنا طيب، خلاص، متخافيش من سويبي.”نُهى خدت البونبونية، بصت لها بحذر، وبعدين بصت لدُرة عشان تستطلع رأيه.
دُرة هز راسه بابتسامة هادية، فقالت نُهى وهي بتنط بخفة: “خلاص… مفيش ضــ,,ـــــرب بسويبی النهارده، أنت طيب.”الاجتماع كمل بعد كده، بس طعمه والجو بتاع الأوضة اتغيروا تماماً. الشراكة بين دُرة ورفعت بقت أقوى وأصدق، مش بس على الورق والسلاح، بل على الاحترام الإنساني الحقيقي اللي زرعته طفلة بمكنسة بلاستيك وثقة عمياء.
والأيام فضت ماشية في القصر، وقصر المريوطية مبقاش مجرد ملجأ للغموض والرهبة، بقا بيت دافئ بحق وحقيق. فيه ضحكة طفلة بتكسر أي عتمة، وفيه أم مطمنة ومرتاحة، وفيه زعيم مافيا اكتشف أخيرًا إن أقوى وأثمن سلاح في الدنيا دي كلها. ..
