إمبراطورية صالون رانيا ج4 حكايات شروق خالد
. هنا مفيش رجالة مافيا، هنا فيه ‘صالون رانيا الدولي’.. لو رفعت صوتك أو فكرت تقاوم، البت دي هتحولك لفستان بينك بذيل لامع!”الدون كارلو بص لي بعيون مليانة استغاثة وصدمة:”يا عبد الرحمن! ما هذا الهراء؟! هل فقدت عقلك وعقول رجالكَ في مصر؟!
“رديت عليه وأنا قاعد على الكرسي، وبشرب الشاي ببرود تام:”اقعد يا كارلو.. اقعد وريح نفسك يا ابن الإحباب.. لو قاومت، البت دي هتحول روما كلها لمصنع بسكوت بالشوكولاتة ومحدش هيقدر يلحقك.. اسمع مني وخدلك حتة خيار على عينيك وانسى الكبرياء!
“وطبعاً، زي كل مرة وفي سينــ,,ـــــاريو متكرر بيحصل لأعتى رجال العالم…في أقل من دقيقة واحدة، الدون كارلو ورجالته الطليان لقوا نفسهم قاعدين في صف واحد مع الحراس، لابسين فساتين بينك منفوشة، وعليهم جليتر ويونيكورن، وبياكلوا بسكوت بالشوكولاتة مع الشاي بكل انسجام وسكــ,,ـــــينة!
رانيا صفقت بإيدها بسعادة جنونية وقالت:”كده العالم كله دخل صالون رانيا وبقى قمر! وبكده يا عمو عبد الرحمن.. إحنا جاهزين نفتح فروع جديدة في فرنسا وأمريكا واليابان!”ضحكت بصوت عالي وهزيت راسي وأنا باصص لزعيم مافيا إيطاليا وهو بياكل البسكوت بتركيز:”افتحي يا باشمهندسة.
. العالم كله تحت أمرك!”#حكايات_شروق_خالدتاني يوم الصبح بدري…صحيت على صوت خبط خفيف على باب أوضتي. فتحت عيني ببطء، وقمت وأنا حاسس كأن أوتوبيس نقل عام عدى على جسمي من كتر الإرهاق والضحك بتوع امبارح.
فتحت باب الاوضة، لقيت رانيا واقفة قدامي ببيجامتها البينك، وماسكة في إيدها نوت بوك الاستيكرات، ورافع شعرها الكيرلي بطريقة عسكرية صارمة. بَصْتلي بجدية تامة وقالت:”صباح الخير يا عمو عبد الرحمن.. اصحى فوق! ورانا شغل كتير النهاردة!”بلعت ريقي وبصيتلها بخوف مصطنع:”صباح النور يا باشمهندسة.
. هو فيه شغل تاني كمان؟ ده الحكومة والجيش والمافيا جابوا ورا امبارح!”هزت راسها وقالت بثقة وابتسامة شقية:”طبعاً فيه! امبارح كانت صالون محلي.. النهاردة جالنا تليفونات حجز من برة مصر.. زباين VIP من الدول العربية والأجنبية عايزين ييجوا ياخدوا لوك اليونيكورن والتاج اللامع!
“بصيت لسماعة التليفون الأرضي اللي على الطرابيزة، وبعدين بصيت لرانيا، ولقيت نفسي بضحك بصوت عالي وأنا بطبطب على راسها:”يا ساتر يا رب.. يعني ناويّة تكتافي على العالم كله يا رانيا؟”رفعت راسها لفوق وقالت بفخر:”طبعاً! العميل دائماً على حق، وإمبراطورية صالون رانيا ملهاش حدود!
