إمبراطورية صالون رانيا ج4 حكايات شروق خالد
“نزلت للريسبشن تحت، لقيت حسن واقف بيظبط كراسي الصالون، ولما شافني ضحك وقال:”صباح الخير يا باشا.. ها، جاهزين لجلسة النهاردة، ولا نبعت نجيب شرايح خيار زيادة من السوق؟”ضحكت وقلت له وأنا بعدل ياقة قميصي:”جهّز كل حاجة يا حسن.
. اصل شكلنا كده.. بقينا الحراس الرسميين لأقوى وألطف إمبراطورية في تاريخ مصر المحروسة!”وقبل ما الدون كارلو يبلع البسكوتة الإيطالية الأخيرة مع الشاي، سمعنا برة الفيلا صوت دوي طائرات هليكوبتر دولية ومواكب عربيات مصفحة بتلف حوالين السور بسرعة جنونية.
باب الفيلا اتفتح بكل قوة وعنــ,,ـــــف، ودخل “جاك” (رئيس مباحث الإنتربول الدولي)، راجل أجنبي طويل وعريض، لابس بدلة شيك جداً ونظارة شمسية في نص الليل، وماسك في إيده ملف سري ودخل بيزعق بصوت عالي وعربي مكسر:”أين دون كارلو وأين زعماء العصابات؟! لقد حاصرنا الفيلا بالكامل من روما إلى القاهرة!
لا فرار اليوم!”جاك وقف في نص الريسبشن.. وبرق لبرة. نظارته اتزحلقت من على مناخيره، والملف وقع من إيده على الأرض، وهو باصص قدامه ومش مصدق اللي عينيه شايفاه:شايف وزير الداخلية المصري، ورئيس الأركان، ومدير المباحث، ودون كارلو زعيم مافيا إيطاليا، وأنا (عبد الرحمن بدر زعيم مافيا القاهرة)، ومعانا أربعين ظابط وعسكري وحارس ودليفري.
. كلهم قاعدين في صف واحد لابسين فساتين بينك منفوشة، وعليهم جليتر، وفيونات بتلمع في شعرهم، وحاطين شرايح خيار على عيونهم، وبياكلوا بسكوت بالشوكولاتة في قمة الانسجام والهدوء!جاك فتح بوقه للآخر وقال بصدمة مرعبة وباللغة الإنجليزية:”Oh my god.
.. What kind of psychiatric asylum is this?! Are you all filming a comedy movie or did I walk into the wrong dimension?!”قبل ما جاك يلحق يرفع مسدسه أو يستوعب الكارثة، رانيا جريت عليه بسرعة البرق، ووقفت قدامه على أطراف صوابعها، ورفعت فرشة المكياج في وشّه وحطت إيدها في وسطها وقالت بابتسامة طفولية بريئة:”أهْلًا بيك يا عمو جاك!
نورت صالون رانيا الدولي! أنت الزبون رقم مية.. اتفضل اقعد جنب عمو كارلو فوراً عشان نعملك لوك ‘اليونيكورن الأمريكي الفاخر’ مع تاج الماس!”جاك بص حواليه برعب، وشاف أخطر مجرمين العالم وقادة الجيش والشرطة وهما بيغمزوله عشان يستسلم وما يعصبش البت.
