إمبراطورية صالون رانيا ج4 حكايات شروق خالد
وفي عز ما الفريق جلال قعد ولبس التاج اللامع، وانضم للحكومة والمافيا في قعدة البسكوت والبمبي، باب الفيلا اتفتح مرة تانية على صوت خطوات سريعة ومرعوبة برة!دخل “دكتور عاطف” (رئيس مجلس الوزراء بنفسه)، وكان جاي بيجري وشعره منكوش، وماسك تليفونه وبيقدم بلاغات في الهواء:”يا جماعة.. البلد اتقلبط!
وزير الداخلية اختفي، ورئيس الأركان اختفي، ومدير المباحث اختفي، وزعماء المافيا اختفوا! هو حصل انقلاب عسكري ولا غزو فضائي في فيلا عبد الرحمن بدر؟!”دخل رئيس الوزراء جوة الريسبشن.. ووقف مكانه. عينه اتجمدت.. فمه اتفتح للآخر.
. ونظارته وقعت على السجاد. قدامه قاعد: وزير الداخلية، ورئيس الأركان، ومدير المباحث، وأعتى زعماء المافيا في مصر.. كلهم لابسين فساتين بينك منفوشة، وعليهم يونيكورن وجليتر، وحاطين شرايح خيار على عيونهم، وبيكلوا بسكوت بالشوكولاتة في هدوء تام!رئيس الوزراء بلع ريقه بصعوبة بالغة وقال بصوت ميت مش طالع:”يا رب.
. أنا شكلي مت في الدــ,,ـــــادثة اللي على المحور وصحيت في كوكب تاني.. هو إيه اللي أنتم عاملينه في نفسكم ده يا هوانم؟!”رانيا نطت من مكانها بسعادة جنونية، وجريت عليه، ووقفت قدامه على أطراف صوابعها وقالت بحماس شديد:”أهْلًا وسَهْلًا بمعاليك يا رئيس الحكومة!
منور صالون رانيا للتجميل! أنت الزبون رقم واحد وخمسين.. اتفضل اقعد جنب عمو الفريق جلال عشان نعملك لوك ‘الوزير العسلي’ مع أحلى تاج!”رئيس الوزراء بص للوزير ولرئيس الأركان وقال بصوت مرعوب:”يا جماعة.. أنتم اتجننتم بجد؟! دي بت صغيرة!
فين هيبة الدولة؟!”رد الفريق جلال وهو بيعدل التاج على راسه ببرود تام:”اقعد يا سيادة الباشا.. اقعد وسيبك من الفزلكة والكبرياء.. المقاومة هنا جريمة، والبت دي هي اللي بقت تحكم مصر بالكامل دلوقتي.. اعدل تاجك واكل البسكوت بهدوء!
“وبينما رئيس الوزراء بيحاول يستوعب الصدمة، لقى نفسه بيقعد على الكرسي جنبهم بقلة حيلة وقال:”طيب.. بس لو حطيتوا جليتر بينك فاقع، أنا هقدم استقالتي فوراً ع الهواء!”وقبل ما الحفلة تكمل وتضم باقي وزراء المجموعة الاقتصادية، فتحت “أمل” (ماما رانيا) باب المطبخ بهدوء، وبصت للساعة في الحيطة وقالت بصوت حنون:”يا رانيا يا حبيبتي.
. الساعة بقت تمانية بالليل، ووقت النوم جه، والبشوات تعبوا خالص من كتر الميكب والفساتين، سيبي الزباين تروح لحالها بقى!”رانيا بصت للساعة، وبصت لنا كلنا، وقالت بأسف طفولى بريء:”ياااه.. الوقت طار بسرعة أوي! خلاص يا أحلى زباين في العالم.. صالون رانيا قفل لحد بكره الصبح.
