حكايات شروق خالد ج2

“غلطان.” وفي اللحظة دي، صوت سيارات الشرطة بدأ يقرب من آخر الشارع. الرجل اتوتر. بص حوالين المكان.”إنت عملت إيه؟” آسر قال: “أنا؟ ولا حاجة.” وبعدين بص لهارون. هارون ابتسم.”إحنا بلغنا من بدري.” الرجل شد نادية ناحيته. لكن قبل ما يقدر يعمل أي حاجة…رصـ,ـاصة ضـ,ـربت السـ,ـلاح من إيده. رجال آسر اندفعوا. في ثواني، نادية وقعت على الأرض، وآسر جرى عليها.

فك الحبل من إيديها. نادية أول ما اتحررت، حضنت مريم بقوة. مريم كانت بتعيط: “ماما!” نادية ضمتها وقالت: “أنا كويسة يا حبيبتي.” آسر وقف قدامهم. وبص لنادية.”كفاية أسرار. ” نادية رفعت عينيها له. قال: “سبع سنين وأنا عايش فاكر إنك خنتيني.” نادية بدأت تعيط.”أنا ماخنتكش يا آسر.” “طيب ليه اختفيتي؟” سكتت.”وليه خبّيتي مريم؟

” آسر اتجمد.”إيه؟” نادية كملت: “أبوك عرف إن مريم بنتك.” آسر قرب منها.”وبعدين؟” قالت وهي بتبكي: “قاللي إن وجودها هيهدد اسم العيلة كلها.” آسر قبض إيده. “ليه؟” نادية بصت له في عينه وقالت: “لأن أملاك أبوك كلها كانت هتروح لمريم.” سكتت لحظة. وبعدين قالت: “بس دي مش أسوأ حاجة.” آسر حس إن قلبه وقف.”في إيه أسوأ من كده؟” نادية مسحت دموعها. وقالت: “أبوك ماكانش هو اللي أصدر أمر قـ,ـتلي.” سكتت. وبعدين بصت ناحية هارون.”الأمر كان طالع من حد أقرب ليك.

” آسر لف ببطء ناحية هارون. هارون كان واقف ساكت. لكن ملامحه كانت اتغيرت. آسر قال: “إنت؟” هارون ما ردش. مريم مسكت إيد آسر الصغيرة. وفي اللحظة دي…هارون ابتسم. وقال: “أخيرًا عرفت.”#حكايات_شروق_خالدآسر فضل باصص لهارون كأنه مش مصدق اللي سمعه.”إنت؟” هارون ابتسم بهدوء.”أيوه يا باشا.” نادية قربت مريم منها، وآسر وقف قدامهم. قال بغضب: “إنت كنت مع أبويا طول السنين دي؟” هارون رد: “أنا كنت مع أبوك… ومع اللي بعده.” آسر فهم إن الموضوع أكبر من مجرد خيانة.

هارون اعترف إن القنبلة اللي اتحطت تحت عربية آسر كانت جزء من خطة عشان يخوفوه ويجبر نادية تظهر، وإنه هو اللي سرب مكانها. لكن هارون ماكانش يعرف إن آسر كان مخبي تسجيلات لكل مكالماته من أول يوم بدأ يشك فيه. آسر طلع موبايله وشغل التسجيل. صوت هارون نفسه ظهر واضح وهو بيتكلم مع أفراد العصابة. الاعترافات كلها كانت موجودة. هارون حاول يهرب، لكن رجال آسر مسكوه قبل ما يوصل للباب. وقبل ما يخرج، بص لهارون وقال: “كنت فاكر إنك عارفني كويس.” هارون ضحك.