حكايات شروق خالد ج3
الخط اتقفل في وش ياسين. الدم اتجمد في عروقه. بص لمحمود وتوفيق بعيون مشتعلة غضب وخوف.”ندى…”محمود مسكه من كتفه بذهول: “في إيه يا ياسين؟! ندى جرالها إيه؟!”ياسين زق إيد محمود وصرخ وهو بيجري ناحية العربية: “ندى اتخطفت! اللي جابنا هنا كان بيثبتنا عشان ياخدها من الشقة!
“توفيق صرخ وراهم وهو بيشاور بعكازه: “يا غبي! ده مش تار أبوك، ده الشخص اللي خد فلوس أبوك زمان ورجع يقفل كل الأفواه!”بس ياسين ما سمعش بقية الكلام. دور عربية محمود وطلع بيها بأقصى سرعة، ومحمود جنب منه مش فاهم حاجة وبيحاول يطلب رقمي، بس التليفون كان بيدي غير متاح.
في الوقت ده..كنت قاعدة في الشقة، ماسكة كوباية شاي بحاول أهدي أعصابي، لحد ما سمعت صوت حركة بره الباب. افتكرت ياسين رجع، قمت بسرعة وقربت من الباب: “ياسين؟”محدش رد. بس كان في صوت خبط خفيف كأن حد بيحاول يفتح الباب بسلك أو أداة. قلبي بدأ يدق بجنون.
افتكرت كلام ياسين: “ما تفتحيش لأي حد مهما كان”.رجعت بظهري لورا، وسحبت الموبايل من على الترابيزة عشان أتصل بياسين، بس قبل ما ألحق أطلب الرقم، الباب اتزق بقوة وصوت الترباس اتكسر!دخل راجل ضخم لابس أسود، ومعاه راجل تاني.
صرخت ورميت الموبايل في وش الأولاني، بس الثاني مسكني بسرعة وحط قماشة على بوقي. حاولت أقاوم وأضــ,,ـــــرب بفركشة، بس الريحة الغريبة اللي في القماشة خلت جسمي يتقل بالتدريج، وعيني تغبش.. لحد ما كل حاجة اسودت. لما ياسين ومحمود وصلوا الشقة، لقوا الباب مكسور ومفتوح على البحري.
ياسين دخل يجروا جوه وهو بيصرخ باسمي: “ندى! ندى!”المكان كان فاضي. الكوباية مكسورة على الأرض، والموبايل بتاعي مرمي تحت الكنبة. ياسين جثا على ركبه ومسك الموبايل، وعينيه اتملت دموع وعجز. محمود وقف وراه ومسك راسه بإيديه الاثنين: “أنا السبب. . أنا لو ما كنتش جيت معاك وسبناها لوحدها.
..”ياسين قام وقف فجأة. الخوف اللي كان في عينيه تحول لحاجة ثانية خالص.. تحول لشرار.”مش وقت ندم يا محمود.”بص للموبايل، ولقى رسالة جديدة وصلت على تليفونه من نفس الرقم:«الشقة القديمة.. شقة أبوك اللي اتولدت فيها. قدامك نص ساعة.. لو بلغت الشرطة أو جيت بمعارف، مش هتشوفها تاني.
»ياسين بص لمحمود وقال بصوت حاسم وثابت:”المعركة دي مش بتاعت أبويا ولا بتاعت الماضي.. دي معركتي أنا.. والمرة دي مش هسمح لحد ياخد مني حاجة تاني. “سحب مفاتيح العربية، وخرج يجري، ومحمود وراه.#حكايات_شروق_خالدالعربية كانت بتطير بينا في شوارع القاهرة..
