حكايات شروق خالد ج3

ياسين كان ضاغط على بنزين العربية لأخره، عينيه مثبّتة على الطريق وجبينه بينضح عرق، وإيديه قافلة على الدركسيون لدرجة إن عُقل صوابعه ابيضّت. محمود كان جنبه بيحاول يكلم حد من معارفه في المباحث بسرعة ومن غير ما يلفت نظر الخاطفين، بس ياسين زق إيده وقال بصوت مكتوم زي جمر النــ,,ـــــار:”أنا قلت مفيش بوليس يا محمود.

. الراجل ده مش بيهزر، ولو حسّ إن في خطر على نفسه، مش هيتردد إنه يؤذي ندى. “”بس يا ياسين الشقة القديمة مقفولة من سنين ومفيش حد فيها! مين اللي ممكن يكون هناك؟”ياسين بص لقدامه بنظرة حادة:”الشخص اللي عين أبويا حارس على السر طول السنين دي.

. المحامي القديم بتاع العيلة، صلاح.”محمود اتصدم:”صلاح؟ ! ده الراجل اللي كان بيخلص كل أوراق أبويا وكان يعتبر دراعه اليمين!””أيوه.. وصلاح هو الوحيد اللي كان مع أبويا وتوفيق يوم الدــ,,ـــــادثة، وهو الوحيد اللي مستفيد إن السر يفضل مدفون للأبد عشان الورث والأملاك اللي استولى عليها بصفته الوكيل القانوني.

“في الوقت ده..بدأت أفتح عيني ببطء. دماغي كانت بتتقل وبتلف، وحاسة بتنميل في جسمي كله. لقيت نفسي متكتفة على كرسي خشب في صالة شقة قديمة، ريحة التراب والرطوبة ماليين المكان، والشمس داخلة من الشيش المكسور بالعافية.

قدامي كان واقف راجل ستيني، لابس بدلة قديمة بس شكلها غالي، ومسك سجارة بيولعها بهدوء يرعب. حاولت أصرخ بس كان في رباط على بوقي. قرب مني وابتسم ابتسامة ميتة:”اهدي يا مدام ندى.. مش حابب أؤذيكي، إنتِ مالكيش ذنب.

إنتِ بس الطُعم اللي هيجيب ياسين لحد هنا.”حاولت أتحرك وأفك إيدي، بس التربيط كان جامد. كمل الراجل وطفى السجارة في طفاية رخام قديمة على الترابيزة:”ياسين عاش طول عمره فاكر إنه مجرم ومجنون.. وكان لازم يفضل فاكر كده عشان يفضل بعيد عن أملاك أبوه اللي أنا أخدتها بحق وحقيق.

بس التسجيل اللي محمود جابه، والاتصال بتاع توفيق.. بوّظوا كل ترتيباتي.”صوت فرامل العربية رن في الحارة القديمة. ياسين ومحمود نزلوا يجرو على العمارة. السلم كان ضلمة ومظلــ,,ـــــم، وخطواتهم كانت بترن بثقل. وصلوا للدور الثالث.

. باب الشقة القديمة كان موارب خفيف. محمود مسك ذراع ياسين بوهن:”استنى.. ممكن يكون حاطط حد جوه أو معاه سلاح.”ياسين زق إيد محمود بهدوء، بس كان فيه ثبات غريب اتولد جواه.. نفس الثبات اللي كان خايف منه طول عمره، بس المرة دي كان بيستخدمه عشان يحمي مش عشان يؤذي.