إمبراطورية صالون رانيا ج 2 حكايات شروق خالد
شاف: * زعيم مافيا القاهرة (أنا) لابس فستان بينك منفوش وفوق راسي فيونكة ويونيكورن على وشي. * زعيم إمبابة (صبحي) لابس فستان بينك بروچ وتاج لامع. * ملك الجيزة (شحاتة) لابس مانيكير بينك وجليتر. * الدليفري (سعيد) و12 حارس مسلح قاعدين في صف وبشرايح خيار على عيونهم وفساستن بينك.
* ورانيا (أبو خمس سنين) واقفة بكل هيبة وماسكة فرشة المكياج في إيدها. اللواء محسن بلع ريقه بصعوبة بالغة لدرجة إن المسدس وقع من إيده على الأرض، وبص لظباط الشرطة اللي وراه وقال بصوت مسطول:”يا رجالة.. هو احنا داهمناكر أوكار عصابات.. ولا حضانة أطفال من مجمع العروبة؟!
“قبل ما اللواء محسن يرجع يستوعب، رانيا راحت ناحيته بخطوات واسعة، وحطت إيدها في وسطها، ورفعت راسها وقالت له بحدة:”أنت كمان يا عسكري يا كبير! جاي تقتحم صالون رانيا من غير موعد مسبق؟ شكلك مقمص وأوحش عسكري دخلته اليوم! اقعد مكانك فوراً عشان تاخد لوك الأميرة الشقية!
“#حكايات_شروق_خالدأمل فتحت بوقها للآخر لدرجة إن دقنها كاد يخبط في صدـ,,ـــرها، والصينية وقعت من إيدها على الأرض، واتكسرت كوبايات الشاي وتناثرت في كل حتة بصوت رنان. لطمت أمل على خدها وقالت بصوت مذهول ومرعوب:”يا نهار أبيض وميل! إيه اللي أنتِ عملاه في الباشوات دول يا رانيا؟
! إنتي اتجننتي يا بت؟! بتلعبي في وش زعماء مصر؟! دا أنا أطرد من الشغل وأتشرّد في الشارع بسببك!”جريت أمل بسرعة وهي بترتجف وعايزة تنظف الأرض وتعتذر:”ألف ألف آسفة يا سي عبد الرحمن يا باشا.. والله البت دي شيطانة مقطوع من شجرة، ما أعرفش عملت فيكم إيه.
. حقكم عليا، سامحوني والنبي!”قبل ما أمل تكمل كلامها وتجري تشد رانيا من ودانها، صبحي العدوي نط بسرعة وهو حاطط إيده اللي فيها المانيكير البينك قدام بوقه، وقال بصوت متعجل ومرعوب:”است است يا أمل.. اهدي بس! صلي على النبي.. مافيش أي حاجة.. احنا..
احنا كنا في جلسة عمل استراتيجية رفيعة المستوى!”المعلم شحاتة هز راسه بالتاج اللامع اللي عليها، وقال بجدية مصطنعة وصوت أهبل:”أيوه يا أمل.. صح! دي جلسة ‘تثقيف أمني وتجميل جبهة الداخلية’.. والمهندسة رانيا دي عبقرية عصرها وخلفيتها الفنية عالية جداً.. ما تقلقيش خالص!
“أمل بَصِت لنا وإحنا قاعدين بالمنظر ده: أنا بفيونكة ويونيكورن، وصبحي بروچ بينك، وشحاتة بتاج لامع، والاتناشر حارس بشرايح الخيار… وبصت لرانيا اللي واقفة بفخر ورافعة راسها. أمل بلعت ريقها وقالت بصوت مهزوز مش مصدقة عينها:”جلسة.. جلسة إيه يا معلم شحاتة؟! أنتم شكلكم اتقلبتم ملكات جمال!
