إمبراطورية صالون رانيا ج 2 حكايات شروق خالد
. البت دي سيطرت على البيت كله، وعلينا إحنا التلاتة.. اخلصي يا رانيا وخلصينا من الكابوس ده، هاتي الفساتين!”رانيا ابتسمت بانتصار ساحق، وقالت:”شاطر يا عمو عبد الرحمن.. أنت أكتر زبون عاقل فيهم!”وفجأة…في عز ما رانيا كانت بتوزع الفساتين على زعماء المافيا الكبار، رن جرس الفيلا الرئيسي بصوت قوي: دينغ دونغ!
حَسَن نط من مكانه وقال بخضة:”يا باشا.. مين تاني جاي في المعاد ده؟!”رانيا نطت بسعادة وقالت:”أكيد أوردر الجليتر الجديد اللي طلبته أونلاين! استنوا هفتح أنا!”جريت رانيا وفتحت باب الفيلا الرئيسي على مصراعيه. كان واقف برة “عم سعيد” (دليفري الأكل والمقاضي)، راجل طويل عريض أصلع وشايل في إيده كرتونة كبيرة تَقِيلة، وكان باين عليه الاستعجال.
قبل ما عم سعيد يلحق يقول: “السلام عليكم يا باشا، طلبات…”رانيا مدت إيدها بكل قوة خارقة (سرية بتاعت الأطفال الشقاوة)، وشدته من هدومه جوة الريسبشن في أقل من ثانية، وقفلت الباب وراها بالمفتاح!عم سعيد بلع ريقه وبرق بعينيه وهو شايف المنظر قدامه:اثناشر حارس بشرايح الخيار، زعيم مافيا القاهرة (أنا) بفيونكة ويونيكورن، زعيم إمبابة (صبحي) بروچ بينك وتاج، ملك الجيزة (شحاتة) بمانيكير بينك، والكل قاعد مرصوص ومستسلم.
عم سعيد وقعت الكرتونة من إيده، وقال بصدمة وترعش:”يا نهار أسود.. هو أنا جيت أوصل أوردر بيتزا.. ولا دخلت مصحة أمراض عقلية يا رجالة؟! إيه اللي موقع كبارات البلد في شربات البمبي ده؟!”صبحي بص لعم سعيد بنظرة كئيبة، وهز راسه وقال بصوت مكسور:”تعال.. تعال اقعد جنبنا يا عم سعيد.
. ما تستغربش ولا تتعب نفسك.. الكبار والصغار هنا سواسية قدام جلالة الملكة رانيا.. ادخل في النوبة وسيبك من التفكير الزائد!”عُم سعيد الدليفري برَق عينيه لبرة، وبلع ريقه بصعوبة وقال بصوت بيترعش:”يا ستي أنا زبون ايه وبتاع ايه؟
أنا معايا أوردر بيتزا سخن للفيلا اللي جنبكم، والمــ,,ـــــوتوسيكل داير برة، والزبون هيعلقني لو اتأخرت ثانية!”رانيا حطت إيدها في وسطها، وبصت له بحدة طفولية وقالت:”مفيش مــ,,ـــــوتوسيكل ومفيش دليفري! أنت دخلت صالون رانيا يعني بقيت زبون VIP زي بقية الكبار دول!
اقعد جنب عمو شحاتة فوراً بدل ما أعملك لوك ‘القطة المشمشية’!”عم سعيد بص لينا كلنا نظرة استغاثة: أنا بفيونكة ويونيكورن على وشي، وصبحي بروچ بينك وتاج، وشحاتة بمانيكير بينك وميكب عالي، والاتناشر حارس مرصوصين زي العساكر.. والكل باصص له بسكون تام.
