إمبراطورية صالون رانيا ج 2 حكايات شروق خالد
“رانيا حطت إيدها في وسطها وقالت بحدة طفولية:”شفتي يا ماما؟ الباشوات كلهم مبسوطين بالخدمة الـ VIP بتاعتي.. أنتِ بس اللي دخلتي قطعتي علينا الحفلة من غير إذن!”أمل بصتلي بعيون كله رجا وتوسل، وقالت بصوت مرتعش:”يعني.. يعني يا سي عبد الرحمن.. أعملك شاي تاني بدل اللي اتكب؟
“بصيت لصبحي، وبصيت لشحاتة، وبصيت لرجالتنا الـ 12 اللي قاعدين مرصوصين زي العساكر، ونفخت بصوت طويل، وقلت:”هاتي شاي تاني يا أمل.. وهاتي طبق البسكوت بالشوكلاته الكبير لرانيا فوراً.. عشان لو البسكوت اتأخر ثانية كمان، صالون رانيا هيحولنا كلنا لأميرات ديزني بجد ومحدش هيعرف يلمنا!
“الكل ضحك بصوت مكتوم في الريسبشن، ورانيا صفقت بإيدها بسعادة جنونية وقالت بصوت عالي:”هييييه! البسكوووت وصل! يلا يا زبائني الأعزاء، بعد ما نخلص الشاي، عندنا مرحلة الأغاني والتلبيس بالفساتين البينك!”صبحي وشحاتة بصوا لبعض بصدمة ودموع الكسوف في عيونهم، وهمس صبحي بصوت ضعيف:”قولي لي يا شحاتة.
. هو احنا ممكن نهرب من الباب الخلفي؟ ولا البت دي حاطة قناصين برة كمان؟”رد شحاتة بصوت مكسور وهو بيبص لفرشة المكياج في إيد رانيا:”انسي يا صبحي.. اللي دخل صالون رانيا.. ما بيطلعش إلا وهو قمر!”#حكايات_شروق_خالد
