إمبراطورية صالون رانيا ج 2 حكايات شروق خالد
وفجأة…في عز ما رانيا كانت بتعدل التاج على راس شحاتة، الباب الخلفي للفيلا اتفتح، ودخلت “أمَل” (خدمة البيت ومامَة رانيا) وهي شايلة صينية كبيرة مليانة كوبايات شاي وبسكوت، وقالت بصوت طبيعي:”يا جماعة الشا…!”وسكتت. الأصينية وقعت من إيد أمل على الأرض، وتناثرت كوبايات الشاي في كل حتة!
أمل فتحت بقها للآخر، وعينيها برقت وهي باصة على زعماء المافيا الكبار في مصر وهما قاعدين جو جو صالون تجميل بنتها بخضوع تام.#حكايات_شروق_خالدأمل حطت الصينية بسرعة على الترابيزة، وهي بتبص لنا وفي عيونها نظرة تعاطف مكسورة بضحكة مكتومة مش قادرة تحبسها، وقالت بصوت واطي:”طب..
بالهنا والشفا يا سي عبد الرحمن.. أنا هسيبكم تكملوا ‘الجلسة الاستراتيجية’ دي مع الباشمهندسة رانيا، وربنا يسترها عليكم!”وجريت أمل على جوة وهي ميتة على روحها من الضحك. رانيا صفقت بإيدها بسعادة جنونية وقالت:”برافو يا ماما! حطي البسكوت.. وزي ما اتفقنا، الزباين المحترمة اللي بتسمع الكلام هتاخد بسكوت بالشوكولاتة بالزيادة!
“راحت رانيا تجري على الأوضة التانية، ورجعت وهي زاحفة وراها “ستاند فساتين” كبير مليان فساتين أطفال بينك منفوشة ومليانة تول وتلْميع وتلُّه وجليتر من كل شكل وصنف. وقفت قدامنا ورفعت راسها وقالت بحماس شديد:”دلوقتي بقى.. ميعاد فقرة الفساتين والأغاني!
“صبحي العدوي نط من على الكرسي وروج بوقه مبهدل، وصرخ بصدمة:”فَـسَـاتِـيـن إيـه يَا سِتَّ رَانِيَة؟! احنا أقطاب الجريمة المنظمة في مصر المحروسة! فساتين بينك منقطة بيونيكورن؟! دي لو رجالتنا في إمبaba شافونا، هيعلقونا على كوبري إمبابة مقلوبين!
“المعلم شحاتة هز راسه بالتاج اللامع اللي عليها، وقال بصوت مرعوب ودموعه على طارف عينه:”ده أنا لو دخلت سجــ,,ـــــن الجيزة وأنا لابس فستان بينك منفوش، المساجين هيعملوا عليّا حفلة زفاف للصبح! ارحمينا يا بنتي والنبي، إحنا مستعدين ندفع فدية مالية ضخمة!
“رانيا حطت إيدها في وسطها وبصت لهم بحدة طفولية قاطعة:”صوتكم علي تاني ليه؟! ممنوع الاعتراض في صالون رانيا! اللي هيعترض مفيش بسكوت.. وهيلبس الفستان أبو ذيل لامع كمان!”أنا بصيت لصبحي ولشحاتة، ونفخت بصوت طويل وقلت بيأس تام:”يا جماعة.. اسمعوا الكلام واقعدوا ساكتين.. المقاومة هنا ملهاش أي معنى.
