«عروسة الصفقة#حكايات_شروق_خالد
«كنت مضطر تبيع أختك عشان تسدد ديونك؟»
نزل عينه للأرض.
«الديون دي مش ديوني.»
سكتُّ.
ياسين بصله باهتمام.
«اتكلم.»
كريم رفع عينه.
«الفلوس اللي فؤاد كان بيطلبها مني… كانت مقابل سكوتي.»
سألته:
«سكوتك عن إيه؟»
كريم بلع ريقه.
«عن اللي حصل لأبوكي.»
حسيت قلبي اتقبض.
ياسين قال:
«كمل.»
كريم بصلي.
«أبوكي ما ماتش في الحادثة اللي قالوهالك.»
«عارفة.»
اتصدم.
«عرفتي؟»
«ياسين قالي.»
بص لياسين لحظة، وبعدين رجعلي.
«هو قالك كل حاجة؟»
رد ياسين:
«لسه.»
كريم ضحك ضحكة مرة.
«طبعًا.»
قرب خطوة.
«لأن في حاجات حتى ياسين نفسه ما يعرفهاش.»
ياسين رفع الس\لاح أكتر.
«إوعى تقرب.»
كريم وقف.
وقال:
«أنا مش خايف منك يا ياسين.»
رد ياسين:
«مفروض تخاف.»
«كنت بخاف منك زمان.»
سكت لحظة.
«لحد ما أبويا قال لي إنك السبب.»
ياسين اتجمد.
بصله بحدة.
«أبوك قال إيه؟»
كريم رد:
«قال إن ياسين الجبالي هو اللي سلّم أبوها لفؤاد.»
الصمت نزل على المكان.
بصيت لياسين.
لأول مرة شفت حاجة في عينه ما شفتهاش قبل كده.
صدمة.
قلت:
«هو بيكدب؟»
ياسين ما ردش.
«ياسين… رد عليا.»
فضل ساكت.
كريم قال:
«شايفة؟»
صرخت:
#حكايات_شروق_خالد
«إنت ساكت ليه؟!»
ياسين نزل الس\لاح ببطء.
وبصلي.
«لأن أبوكي طلب مني أعمل كده.»
اتصدمت.
«طلب منك إيه؟»
«إني أسلمه لفؤاد.»
شهقت.
«إنت بتقول إيه؟!»
«أبوكي كان عارف إنه هيموت.»
«وإنت كنت عارف؟»
«آه.»
دموعي نزلت من غير ما أحس.
«وسبته؟»
قال بصوت منخفض:
«كنت عندي تمنتاشر سنة… وأبوكي كان الوحيد اللي أنقذني من فؤاد.»
كريم قاطعه:
«ما تحاولش تظهر نفسك بطل.»
ياسين لف له.
«وأنت؟»
كريم سكت.
«أبوك طلب منك تعمل إيه؟»
كريم نزل عينه.
ياسين كمل:
«طلب منك تحمي أخته.»
بصيت لكريم.
«أخت مين؟»
كريم ما ردش.
ياسين قال:
«أخت فؤاد.»
اتجمدت.
«إيه؟»
كريم رفع عينه ليا.
«أبوكي كان مخبي بنت فؤاد.»
«فين؟»
«في بيتنا.»
حسيت إني مش فاهمة.
«يعني إيه؟»
كريم قرب مني.
«البنت دي كانت عندها ست سنين.»
سألته:
«وبعدين؟»
«أبوكي أخدها ورباها بعيد عن أهلها.»
«ليه؟»
قال:
«لأن أمها كانت مقتولة… وفؤاد كان عايز يقتلها هي كمان.»
ياسين بص لكريم.
«اسمها إيه؟»
كريم سكت.
ياسين صرخ:
«اسمها إيه؟!»
قال بصوت مكسور:
«اسمها ليلى.»
الاسم وقع على وداني كأنه صدى قديم.
ليلى.
الاسم ده كان مكتوب في ورقة قديمة شفتها وأنا صغيرة.
ورقة أمي كانت مخبياها في دولاب أبويا.
