«عروسة الصفقة#حكايات_شروق_خالد
لكن اختفى بسرعة.
قال:
«مش هتضمني.»
سكت لحظة وبعدين كمل:
«بس تقدري تختبريني.»
«إزاي؟»
مد إيده ناحية العقد.
«اكتبي شروطك.»
بصيتله باستغراب.
«شروطي؟»
«آه.»
«أي شروط؟»
«أي حاجة.»
مسكت القلم.
كنت متوقعة يعترض.
لكنه فضل ساكت.
كتبت أول شرط:
«محدش يلمسني غصب عني.»
قال فورًا:
«موافق.»
كتبت:
«محدش يمنعني من الخروج.»
«موافق.»
«محدش يتدخل في شغلي.»
«موافق.»
بصيتله.
«ولو طلبت الطلاق؟»
سكت.
المرة دي الصمت طال.
وبعدين قال:
«لو طلبتيه بعد ما نعرف الحقيقة… هطلقك.»
قلبي وقف لحظة.
«الحقيقة؟»
بصلي بثبات.
«الحقيقة اللي أبوكي سابها ورا ظهره.»
نزلت القلم من إيدي.
«إنت عارف إيه عن أبويا؟»
قال:
«أكتر مما تتخيلي.»
«طب قولي.»
هز راسه.
«لسه بدري.»
صرخت:
«كل مرة تقولي لسه بدري! أنا ليا حق أعرف!»
وقف فجأة.
«وأنا ليا حق أحميكي من حاجة لو عرفتيها دلوقتي ممكن تقتلك.»
اتجمدت.
«تقتلني؟»
بص ناحية الباب.
وبصوت منخفض قال:
«أبوكي ما ماتش بسبب حادثة.»
حسيت الأرض بتتهز تحت رجلي.
«إنت بتقول إيه؟»
«أبوكي اتقتل.»
شهقت.
«مين قتله؟»
سكت.
قرب مني وقال:
«نفس الناس اللي أخوكي كريم باعك ليهم.»
حسيت إني مش قادرة آخد نفسي.
«كريم؟»
«كريم مش مجرد أخ باع أخته عشان الفلوس.»
فتح درج المكتب وطلع صورة قديمة.
حطها قدامي.
كانت صورة لأبويا.
وجنبه…
#حكايات_شروق_خالد
كريم.
ورجل تالت.
أول ما شوفته، الدم نشف في عروقي.
«ده… فؤاد؟»
ياسين هز راسه.
«أيوه.»
قربت الصورة من وشي.
«بس الصورة دي قديمة جدًا.»
«من سبعتاشر سنة.»
بصيتله.
«يعني أبويا كان يعرف فؤاد من زمان؟»
قال:
«مش بس يعرفه.»
سكت لحظة.
«كان شريكه.»
وقعت الصورة من إيدي.
«مستحيل.»
«الحقيقة أصعب من كده.»
«إنت كنت فين وقتها؟»
ما ردش.
بصيتله بحدة.
«ياسين، كنت فين؟»
قال:
«كنت شاب عنده تمنتاشر سنة.»
«وشفت إيه؟»
اتنفس ببطء.
«شفت أبوكي وهو بيحاول يخرج من الشراكة.»
«ليه؟»
«لأنه اكتشف إن فؤاد كان بيستخدم شركاته في غسيل فلوس وتهريب س\لاح.»
اتسعت عيني.
«وأبويا عرف؟»
«وعشان كده كان لازم يموت.»
حطيت إيدي على بوقي.
«وكريم؟»
ياسين بصلي.
«كريم كان عارف.»
حسيت بقلبي بيتكسر.
«أخويا كان عارف إن أبويا اتقتل؟»
«كان عارف أكتر من كده.»
سألته بصوت مخنوق:
«إيه؟»
قال:
«هو اللي سلّم لفؤاد المستندات اللي كانت مع أبوكي.»
سكتُّ.
ما كنتش قادرة أصدق.
أخويا…
الشخص الوحيد اللي كنت فاكرة إنه سندي.
