حكايات شروق خالد ج4

جوا كانت فيه شاشة كبيرة، وجهاز تسجيل قديم، وملف عليه اسم محمود المنشاوي. آدم قال: ـ أبوك قبل ما يمــ,,ـــــوت سجل اعتراف كامل، وكان مخبيه هنا. التسجيل ده فيه اسم الشخص اللي أمر ب. ه، وسبب زرع الجهاز في ودنك، والحقيقة اللي كمال حاول يخبيها عنكم.

سليم قرب من الجهاز، وإيده بتترعش. ـ شغّله. آدم ضغط على الزر. ظهر محمود المنشاوي على الشاشة، تعبان وشاحب، لكنه بيتكلم بوضوح: «لو التسجيل ده وصل لأولادي، يبقى أنا فشلت أحميهم. لازم تعرفوا إن الشخص اللي بدأ كل ده مش كمال، ولا فؤاد.

الشخص ده كان موجود في حياتنا من قبل ما مريم وسليم يتولدوا… وكان أقرب لينا من أي حد».مريم مسكت إيد سليم. التسجيل كمل: «الشخص اللي خانني هو…» وفجأة الشاشة اسودّت، وصوت انفجار صغير دوّى في الغرفة.

سليم سحب مريم بعيد عن الجهاز، وآدم جري ناحية الباب، لكنهم سمعوا صوت قفل حديد بيتطبق عليهم. ومن السماعة القديمة، طلع صوت الدكتور فؤاد الشاذلي وهو بيضحك: ـ كنت عارف إنكم هتيجوا… بس للأسف، وصلتوا متأخرين.

سكت لحظة، وبعدين قال: ـ ده الشخص اللي ربّاكي، واللي كنتِ بتناديه طول عمرك «بابا».مريم حسّت إن رجليها مش شايلينها. لكن آدم هز راسه فجأة وقال بصوت مليان غضب: ـ كداب يا فؤاد! أبو مريم الحقيقي لسه عايش، وأنا عارف مكانه. سليم بص له بصدمة.

ـ أبوها الحقيقي عايش؟!آدم قرب من مريم، وحط إيده على كتفها. ـ أيوه يا مريم. وأبوك الحقيقي هو الشخص الوحيد اللي يقدر يثبت إن كل الورق اللي شفتوه مزوّر. وبعدين بص لسليم وقال: ـ بس قبل ما تعرفوا اسمه، لازم تعرفوا ليه أبوك كان مستعد يضحي بكل حاجة عشان يخبيه.

في اللحظة دي، ظهر على الشاشة تسجيل جديد، وفيه رجل قاعد على كرسي، ووشه متغطي بضِلّ. رفع الراجل راسه ببطء وقال: ـ مريم… لو إنتِ بتسمعيني دلوقتي، يبقى كبرتِ، وبقيتي تعرفي إن كل اللي اتقالك عن عيلتك كدب. مريم قربت من الشاشة، وقلبها بيدق بعنــ,,ـــــف.

الراجل كمل: ـ أنا أبوكي الحقيقي، وأنا اللي طلبت من محمود المنشاوي يخبيكي… لأن أمك ما ماتتش، وأخوكي ما اتخطفش بالصدفة. وبعدها قال جملة قلبت كل حاجة: ـ إحنا ما كناش بنهرب من كمال وفؤاد يا مريم.

.. إحنا كنا بنهرب من الشخص اللي كان ماسك الشرطة كلها في إيده. وفجأة، الراجل رفع وشه بالكامل… ومريم عرفت ملامحه، لأنها شافته قبل كده في صورة قديمة كانت مخبياها أمها تحت المخدة.#حكايات_شروق_خالد