حكايات شروق خالد ج2
مريم مسكت إيده. ـ أنا مش بقولك صدقني من غير دليل. أنا نفسي مش مصدقة اللي افتكرته. بس لازم نعرف الحقيقة. قبل ما سليم يرد، موبايله رن تاني. المرة دي كان المتصل عمه كمال. سليم بص للشاشة، وبعدها بص لمريم، ورد على المكالمة وحطها على مكبر الصوت.
ـ أيوه يا عمي. صوت كمال جه هادي، كعادته: ـ إنت فين يا سليم؟ بقالي ساعات برن عليك. رجالتك بيقولوا إنك خرجت من البيت من غير ما تقول لحد. ـ كنت بخلص شوية شغل. ـ شغل الساعة تلاتة الفجر؟
ولا إنت روحت المكان اللي قولتلك تبعد عنه؟سليم اتعدل في وقفته. ـ إنت عرفت منين إني في شبرا؟سكت كمال ثانيتين، وبعدها قال: ـ عشان أنا عارفك يا ابن أخويا. وعارف إنك لما تحط حاجة في دماغك، مبتسمعش كلام حد.
سليم بص لمريم، وبعدها قال ببرود: ـ طب ما تيجي تقابلني بنفسك، بدل ما تفضل تتصل. كمال رد من غير تردد: ـ نص ساعة وهكون عندك في الفيلا. وقفل. مريم بصت لسليم بقلق. ـ هو جاي هنا؟!ـ أيوه، وده اللي أنا عايزه.
ـ إنت ناوي تعمل إيه؟ سليم قرب منها، ومسك إيديها بين إيديه. ـ هخليه يتكلم. لو بريء، هنعرف. ولو هو اللي عمل كل ده، مش هيخرج من هنا غير لما يقول الحقيقة. لكن عايشة، اللي كانت واقفة جنبهم من غير ما تتكلم، قربت فجأة وقالت: ـ لأ يا سليم، إنت مش فاهم كمال كويس.
ولو هو اللي عمل كل ده، مش هيخرج من هنا غير لما يقول الحقيقة. لكن عايشة، اللي كانت واقفة جنبهم من غير ما تتكلم، قربت فجأة وقالت: ـ لأ يا سليم، إنت مش فاهم كمال كويس.
الراجل ده مش هيعترف بسهولة. هو طول عمره بيخاف من حاجة واحدة بس. سليم سألها: ـ إيه هي؟عايشة بصت لمريم وقالت: ـ إن مريم تفتكر اللي حصل في الليلة دي بالكامل. مريم حسّت بقشعريرة بتجري في جسمها. ـ ليه؟ أنا شفت حاجة إيه تخوفه بالشكل ده؟
عايشة اترددت، وبعدها فتحت شنطتها القديمة وطلعت منها صورة صغيرة، أطرافها محروقة. في الصورة، كانت مريم طفلة واقفة جنب محمود المنشاوي، والد سليم، وقدامهم ولد صغير ملامحه مش واضحة. وعلى ضهر الصورة مكتوب: «مريم هي الشاهدة الوحيدة على اتفاق المنشاوي الأخير».
سليم خطف الصورة من إيدها. ـ اتفاق إيه؟ !عايشة ردت وهي بتعيط: ـ أبوك قبل ما يمــ,,ـــــوت اكتشف إن كمال وفؤاد كانوا بيستخدموا فلوس العيلة في تجارة ممنوعة، وكانوا بيجربوا أجهزة على أطفال من غير علم أهلهم. أبوك جمع الأدلة، وقرر يسلمها للشرطة. لكن قبل ما يعمل كده، حصلت الجريمة.
