عَقْدُ المَقَشّة ج1 حكايات شروق خالد

“بصيت في عينيه مباشرة:”بتسمع الكلام معظم الوقت.”شفيفه اتحركت سيكة. زي ما تكون بداية ضحكة.. يمكن. وبعدين لمح ليلي واقفة ورايا. كانت ماسكة “الكابتن نظيف”.جابر بص للمقشة البلاستيك الصيرة. وليلي بصت لجابر. سألها: “إيه دي؟””السلاح بتاعي.””عشان إيه؟””عشان العيال الأشرار.”ولأول مرة، جابر المرشدي يبتسم بجد.

بس الابتسامة اختفت بسرعة لدرجة إني شكيت في نفسي وقلت يمكن تهيؤات. عزلنا وسكنا هناك بعد يومين. وكان فيه شرط واحد جابر شدد عليه بنفسه:”المكتب اللي في الجناح الغربي خط أحمر. ليلي ما تحطش رجلها فيه.”وعدته إن ده مش هيحصل.

وبعد ثلاثة أسابيع، طبعاً، دخلت. لقيتها واقفة جوه مكتب جابر وجنبها برواز صور مكسور ميت حتة. قلبي كان هيقف. جابر كان واقف ورا مكتبه، وليلي ماسكة الصورة في إيدها. واحدة ست شعرها أسود واقفة جنب جابر وهو أصغر في السن، والاتنين ببيضحكوا تحت شجرة.

همست ليلي: “أنا آسفة.. وقعت غصب عني.”وش جابر خشب وما بانتش عليه أي علامة. جريت بسرعة:”يا جابر بيه، أنا هجيب لحضرتك برواز غيره فوراً.””لا.”اتسمرت في مكاني. ليلي رفعت الصورة ناحيته:”هي دي طنط مراتك؟”جابر بص للصورة:”كانت مراتي.””هي فين دلوقت؟”كنت عايزة الأرض تنشق وتبلعني.

“ليلي يا حبيبتي—”قال جابر بصوت هادي: “ماتت.”ليلي نزلت الصورة بالراحة:”يا خبر..”وساد السكوت. وبعدين بنتي عملت حركة أنا نفسي أقطع ذراعي ولا أعملها. مشت حولين المكتب وراحت ح. ضنته. إيدين جابر فضلت متشنجة جنبه. بص لي وكأني مطالبة أفسر له إيه الكائن الغريب اللي أنا دخلته بيته ده.

همست ليلي وهي دفنة وشها في الجاكيت بتاعه:”أنا بابا سابنا ومشي برضه.. وده بيوجع أوي.”جابر غمض عينيه. وبالراحة خالص، وإيده بترتعش من اللخبطة، حط كفه على ظهرها. كانت دي اللحظة اللي كل حاجة بدأت عندها. وما كنتش فاهمة ساعتها اللعبة دي هتوصلنا لـ إيه ووراها خطر شكله إيه.

..حكايات شروق خالد
عدى الأسبوعين اللي بعد حركة برواز الصورة دول وزي ما تكون المياه مشيت في مجاريها، بس بشكل يرعب. جابر اللي كان زي السيف وما بينطقش إلا بالأوامر، بقى يعدي على المطبخ الصبح مخصوص عشان يشوف ليلي. ما بقاش يبتسم برضه، بس كانت حركاته اتغيرت؛

يطلب القهوة ويفضل واقف يتفرج عليها وهي بترسم على الترابيزة، أو يجيب لها علبة ألوان وهو راجع بالليل ويحدفها على التربيزة ويقول بغرور: “دي زيادة عندي في المكتب، خديهم.”أنا بقى كنت حاسة إن القصر ده عبارة عن لغم موقوت.