عَقْدُ المَقَشّة ج1 حكايات شروق خالد
الرجالة اللي داخلة طالعة في نص الليل بشنط هاندباج، العربيات المفيّمة اللي بتقف في الجنينة، والجثث اللي ماشية بحراسة وسلاح مستخبي تحت البدلة… كل ده كان بيقول إن جابر المرشدي مش مجرد رجل أعمال تقيل، ده هو العقل المدبر لشبكة كاملة، وأي غلطة هنا بتدفع فيها روحك.
لحد ما جت الليلة إياها. ليلة “السرقة” اللي جابر خطط لها بالسنتي عشان يربط بيها حبال القصر ويعرف مين في رجالته بيلعب لحسابه ومين بيلعب لحساب المنافسين في السوق. لما الأضواء قطعت وض. رب النا.
ر المفبرك اشتغل، الأمن اللي بره كان متفق مع جابر على كل حاجة، والكوميديا السوداء إنهم ما عملوش حساب بنت عندها ست سنين وشايلة مقشة بلاستيك وهربانة من أمها عشان تحمي “عم جابر”!
في الطرقة، وبعد ما جابر صرخ وشال ليلي ورا ظهره، ونور الطوارئ اشتغل ونزلوا الأقنعة، عرفت إن اللعبة كانت عشان يختبر رد فعل حراسه الشخصيين ومدير أمنه “سعيد”.سعيد ده كان دراع جابر اليمين بقاله 13 سنة. راجل طيب وشوش ويدخل عليك بالضحكة، بس في التسعين ثانية دول.
.. سعيد كان أول واحد أخد بعضه وجري يستخبى في المطبخ وراء الطباخين وما رفعش طبنحته حتى!جابر بص لسعيد وهو ماسك ليلي بإيد واحدة، وعينيه كانت بتطلع شرار يسوي بلاد.”13 سنة يا سعيد؟” جابر قالها بصوت وطي خالص بس يرعب أكتر من صوت الرصاص.
“13 سنة وأنا فاكر إنك ضهري، وفي أول قلم القصر بيتاكل فيه، تجري تستخبى ورا حريم المطبخ؟”سعيد وشه جاب ألوان، ورجليه ما شالتهوش: “يا جابر بيه… النور قطع والض. رب كان من جوه، افتكرت…””ما تفتكرش تاني.” جابر قطع كلامه بصوت يشبه حفيف الأفعى.
“قدامك عشر دقائق تتكل على الله من غير ما أشوف وشك في الجيزة كلها. ولو لمحتك بعد الفجر… أنت عارف الباقي.”سعيد ما نطقش. لف وشه وخرج يجري من القصر وهو بيلطم على حظه، والكل واقف ساكت زي الجثث.
جابر نزل عينه لبنتي اللي كانت لسه ماسكة المقشة وبتبص للحراس بغضب طفولي. وطى على ركبتيه قدامها لأول مرة. الراجل اللي مصر كلها بتترعب منه، قعد على الرخام قدام طفلة عندها ست سنين.”أنتِ جيتي هنا ليه يا ليلي؟”ليلي ببرود وسذاجة: “عشان أض. رب العيال الأشرار بمقشتي وما يلمسوكش.
“جابر حط إيده على خدها، وعينيه المرة دي كان فيها لمعة غريبة… لمعة حزن ودفء عمري ما شفتهم في راجل زيه.”ما حدش يقدر يلمسني وأنتِ هنا يا ليلي.”وبعدين بص لي أنا. كنت واقفة بترعش من الخوف والغضب والذهول.
