ثمن الكرامة#حكايات_شروق_خالد
الويتر الغبي ده لازم يترفض فوراً، وإلا أنا هكلم إياد الراوي بنفسه وأخليه يقفل لكم المطعم ده!”أمل وقفت جنب الطاولة، وبصت لإياد وبعدين بصت لشريف وقالت بصوت واضح سمع القاعة كلها:”حضرتك مش محتاج تتصل بإستاذ إياد الراوي يا شريف بيه.
. لأن الأستاذ إياد الراوي واقف قدامك دلوقتي وبياخد طلبك بنفسه!”الصمت نزل على القاعة كلها كأنه صدمة كهربائية. شريف طاهر وشه اتخطف، والدم هرب من عروقه. عينيه راحت للقميص الأبيض والمريلة السودا، وبعدين بص لوشي بتدقيق.
. وفي اللحظة دي افتكر الصورة اللي بتنزل في المجلات والجرايد للرئيس التنفيذي لمجموعة الراوي. صاحبه اللي كان قاعد معاه حط إيده على وشه من الصدمة والإحراج. شريف حاول يتكلم، لسانه اتعقد وقال بتلعثم: “إياد.. إياد بيه؟ أنت.. أنت بتعمل إيه هنا؟ قصدي.. أنا مكانش قصدي.
.”قربت منه خطوة واحدة، وحطيت إيدي على الطاولة وقلت له بصوت هادي بس يقـ,ـطع زي السـ,ـكينة:”أنا هنا عشان أعرف نوعية الناس اللي بتدخل مطعمي وبتتعامل مع عمالي بالأسلوب ده. أنت جاي تاكل بفلوسك، وده يديك حق تاخد خدمة ممتازة وتطلب اللي أنت عايزه، بس ميديكش أي حق إنك تهين إنسان أو تقلل من كرامته لمجرد إنه بيخدمك.
“شريف وقف وهو بيتصبب عرق: “أنا أسف جدًا يا فندم.. والله ما كنت أعرف.. أنا مجرد كنت متوتر الشغل كان ضاغطني..””الضغط مش مبرر لقلة الأدب يا شريف بيه.” قاطعة بصوت حاسم. بعدين بصيت لأمل وقلت لها: “أمل.
. حظري شريف طاهر من دخول أي فرع من فروع مجموعة ‘الراوي’ في مصر كلها، وحسابه النهاردة ملغى، يتفضل يتفضل بره المطعم حالاً.”شريف مكانش مصدق اللي بيحصل، راجل الأعمال اللي فاكر إن فلوسه تشتري كل حاجة، اترمى بره المطعم قدام الزباين كلهم.
الزباين في القاعة بدأوا يسقفوا بصوت واطي، والعمال والويترز كانوا باصين لي بعيون مليانة فخر وامتنان. رجعت المطبخ، قلعت المريلة والكرافتة، وبصيت لنفسي في المراية. افتكرت كلام أمي الصبح لما قالت لي: “أنت عايز تعرف هل الناس ممكن تفاجئك ولا لأ؟
ومن اليوم ده، أخدت قرار إن أي فرع جديد هينزل فيه قانون صارم: كرامة العامل قبل زبون الفلوس. #حكايات_شروق_خالدخرجت من المطبخ بعد ما لبست جاكيت البدلة بتاعي، ووقفت في وسط الصالة. أمل كانت واقفة ومستناني، وعينيها مليانة احترام وتقدير.”أستاذ إياد..
