حكايات شروق خالد ج3

لكن لسه فيه فرصة نرجع اللي اتسرق مننا».سليم مسك إيدها. ـ هنروح له. مهما كان اللي مستنينا هناك، مش هسيبك تواجهيه لوحدك. مريم هزت راسها، لكن قبل ما يتحركوا، زياد قرب منهم وقال: ـ استنوا. فيه حاجة لازم تعرفوها قبل ما تروحوا.

سليم سأله: ـ إيه؟زياد بص لآدم، وبعدها قال: ـ أنا فتحت ملف سري من ملفات جلال قبل ما أدخل هنا. الملف فيه نتيجة تحليل DNA اتعملت من أسبوع، باسم مريم وياسين الراوي. مريم قربت منه بسرعة. ـ والنتيجة بتقول إيه؟

زياد طلع ورقة مطوية، وناولها لها. مريم فتحتها، وعينيها اتحركت على السطور بسرعة، لحد ما وصلت للجملة الأخيرة. «لا توجد علاقة أبوة بيولوجية بين ياسين الراوي ومريم عايشة».مريم شهقت، والورقة وقعت من إيدها. ـ يعني إيه؟! ده مش أبويا؟

!آدم بص للورقة، وبعدها بص لجلال، اللي كان بيضحك رغم القيود. جلال قال بصوت هادي: ـ أهو ده السر اللي محدش كان عايزك تعرفيه يا مريم. .. لأن أبوكي الحقيقي مش ياسين الراوي، ولا محمود المنشاوي، ولا الراجل اللي رباكي.

قرب بوشه منها وقال: ـ أبوكي الحقيقي هو الشخص الوحيد اللي كان موجود في المستشفى ليلة ولادتك، واللي فضل يحميكي من غير ما تعرفي اسمه. مريم بصت له برعب. ـ مين؟!جلال ابتسم ابتسامة باردة، وقال: ـ الدكتور فؤاد الشاذلي.

وفي نفس اللحظة، موبايل سليم رن برسالة من رقم مجهول، فيها تسجيل قصير بصوت فؤاد: «مريم… لو عايزة تعرفي الحقيقة، تعالي لوحدك. لأن فيه سر عن ولادتك لو عرفتيه، هتكرهي كل الناس اللي بتحبيهم».

مريم رفعت عينيها لسليم، والدموع في عينيها. ـ أنا لازم أعرف الحقيقة، حتى لو هتوجعني. سليم مسك إيديها بقوة. ـ هنعرفها يا مريم… بس المرة دي، مش هنسمح لحد يفرقنا أو يلعب بعقولنا تاني.#حكايات_شروق_خالد