سر القلادة الفضية ج 1 حكايات شروق خالد

» سكت لحظة، وقرب مني.«بس فيه حاجة لازم تعرفيها يا إيفلين… أبويا مكنش بيدور على القلادة عشان الفلوس بس.» بلعت ريقي بصعوبة.«أمال عشان إيه؟» بص في عيني مباشرة، وقال: «عشان القلادة دي ممكن تثبت إنك الوريثة الوحيدة لإمبراطورية محمود السيوفي.

أنا اللي كنت بشتغل ورديتين عشان أسدد ديوني؟مستحيل. هزيت راسي وأنا برجع لورا. «لأ… لأ، إنتوا أكيد غلطانين. أنا بنت إيفلين هاستينجز، ومليش علاقة بأي إمبراطورية ولا أي فلوس.» دومينيك قرب خطوة، لكنه وقف لما شاف الرعب في عيني.

وقال بصوت هادي: «أنا هعرف الحقيقة، حتى لو اضطرّيت أقلب مصر كلها عشان أوصلها. » وبعدين بص لفينسنت وقال: «جهّز العربية. هنمشي حالًا.» صرخت فيه: «نمشي فين؟ أنا مش رايحة معاك في أي حتة!» وقف وبصلي.«اللي حاول ي. نا النهارده عارف إن القلادة معاكي.

ولو رجعتي تنامي في شقتك، مش هتعيشي لحد الصبح.» حسيت بدموعي بتنزل غصب عني. «يعني إيه؟ هتفضل حياتي كلها تحت رحمتك؟» دومينيك سكت شوية، وبعدها قال جملة خلتني أبصله باستغراب.«مش تحت رحمتي يا إيفلين… تحت حمايتي.» مد إيده ليا، لكن المرة دي مكنش بيطلب القلادة.

كان بيطلب مني أثق فيه. وأنا، رغم كل الخوف اللي جوايا، كنت عارفة إني معنديش اختيار تاني. حطيت الصورة في جيبي، وقمت وأنا بعرج، ومشيت وراه ناحية الباب. لكن قبل ما نخرج، موبايله رن. رد، وسمع الطرف التاني كام ثانية، وبعدها وشه اتبدل.

قال بصوت منخفض: «إنت متأكد؟» سكت يسمع، وبعدين رد: «محدش يقرب منها لحد ما أوصل.» قفل المكالمة، وبصلي. سألته بقلق: «في إيه؟» رد بعد تردد: «أمك مدفونة في مقابــ,,ـــــبر العيلة من خمس سنين، صح؟» هزيت راسي ببطء.«أيوه.» قرب مني، وقال بصوت مخيف: «المقابــ,,ـــــبر اتفتحت النهارده.

.. والتقرير اللي وصلني بيقول إن التابوت فاضي. » حسيت إن رجلي مش شايلاني. أمي… اللي حضرت جنازتها بنفسي، واللي فضلت أبكي عند قبــ,,ـــــرها سنين…مفيش جثمان ليها في القبــ,,ـــــر!يعني إيه؟هل أمي ماتت فعلًا؟ولا كل اللي عشته طول السنين اللي فاتت كان كذبة كبيرة؟

حكايات شروق خالدوقفت مكاني وأنا ببص لدومينيك، مش قادرة أستوعب الكلمتين اللي قالهم.«التابوت فاضي؟!» صوتي خرج مبحوح، وحسيت إن الدنيا بتلف بيا.«إنت بتقول إيه؟ أمي ماتت قدامي! أنا اللي غسلتها وكفنتها، وأنا اللي حضرت دفــ,,ـــــنتها بإيدي! إزاي القبــ,,ـــــر يبقى فاضي؟ !» دومينيك مسك دراعي قبل ما أقع.