سر القلادة الفضية ج 2 حكايات شروق خالد
يوسف كان بيتابع حسابات قديمة مرتبطة بشركات أبوه، واكتشف تحويلات مالية ضخمة اتعملت بعد وفاته. التحويلات دي كانت بتروح لشخص المفروض إنه مات من عشرين سنة.» بلعت ريقي.«محمود السيوفي؟» «لأ.» قرب مني وقال بصوت منخفض: «أخويا.» اتجمدت مكاني.«إنت عندك أخ؟» «كان عندي أخ أكبر مني اسمه كريم.
مات في دــ,,ـــــادثة عربية من عشرين سنة.» بصيتله وأنا بحاول أربط الكلام ببعضه.«يعني كريم هو اللي . أبوك؟» دومينيك هز راسه.«مش عارف. بس لو يوسف اكتشف إن كريم لسه عايش، يبقى كل اللي إحنا فاكرينه عن الماضي ممكن يكون كدب.
» قبل ما أقدر أسأله أي سؤال تاني، العربية وقفت فجأة. فينسنت بص من الشباك وقال: «إحنا وصلنا.» نزل دومينيك بسرعة، ونزلت وراه. كنا قدام مستشفى قديمة في وسط القاهرة، المبنى بتاعها باين عليه الإهمال، والشارع حواليها كان شبه فاضي. فينسنت قرب من دومينيك وهمس: «آخر إشارة لموبايل يوسف ظهرت هنا.
» دخلنا من الباب الرئيسي، وبدأنا ندور في الممرات. ريحة المطهرات كانت مالية المكان، وصوت خطواتنا بيرن في الهدوء الغريب. وفجأة، سمعت صوت بنت بتعيط من آخر الممر. جريت ناحية الصوت، ولقيت ممرضة قاعدة على الأرض، وإيديها مربوطين، ووشها مليان دموع.
نزلت جنبها وفكيت الرباط بسرعة.«إنتِ كويسة؟ حد أذاكي؟» هزت راسها وهي بتترعش.«هما أخدوه… أخدوا الدكتور يوسف.» مسكت إيديها.«مين اللي أخده؟» بصت ناحية باب غرفة العمليات وقالت: «راجل كبير، شعره أبيض، وكان معاه رجالة كتير. قال إن الدكتور لازم يروح معاه، وإن محدش يتدخل.
» دومينيك قرب منها وسألها: «الراجل ده قال اسمه؟ » الممرضة هزت راسها.«لأ، بس الدكتور يوسف أول ما شافه، وشه اتغير. قاله: إنت المفروض تكون ميت.» دومينيك اتجمد. وأنا حسيت إن قلبي هيقف.«كان اسمه إيه؟» سألتها وأنا مرعوبة.
الممرضة ردت: «سمعته بيقول اسم كريم.» دومينيك رجع خطوة لورا، وملامحه بقت قاسية بشكل عمري ما شفته قبل كده. همس: «كريم…» وبعدين لف لفينسنت وقال: «اقفل كل مخارج المستشفى، وعايز تسجيلات الكاميرات في آخر ساعة.» فينسنت اتحرك بسرعة.
أما أنا، فبصيت لدومينيك وسألته: «إنت تعرف المكان اللي ممكن يكونوا أخدوه ليه؟» رد من غير تردد: «أيوه. » «فين؟» بصلي وقال: «في بيت قديم على طريق القاهرة إسكندرية الصحراوي. بيت عيلتنا القديم.» بعد ساعة تقريبًا، كنا واقفين قدام فيلا ضخمة وسط أرض واسعة، محاطة بسور حديد عالي.
