اليتيمة ج1 حكايات شروق خالد
«إيه معنى الكلام ده؟ مين الولد اللي اتدفن مكاني؟» سعاد بصت لي، وبعدها بصت لمريم، وقالت: «الولد اللي اتدفن مكانك يا ياسين… كان أخوك التوأم. لكن اللي محدش قالهولك، إن أمك ماجابتش ولدين بس.» سكتت لحظة، ودموعها زادت.
«أمك ولدت تلات توائم… واحد منهم اتاخد بعد الولادة، واتقال لكم إنه مـ,ـات. » بصيت لمريم، وقلبي بيدق بعنف. سعاد قربت مني، وقالت الجملة اللي قلبت حياتي كلها: «ومريم مش بنت عمك حسن زي ما إنت فاكر… مريم بنت أخوك التوأم اللي اختفى من عشرين سنة.
» وقبل ما أقدر أسألها أي سؤال، سمعنا صوت تكسير جامد جاي من تحت. وبعده صوت راجل بيزعق: «محدش يخرج من الأوضة! هاتوا المفتاح والبنت، واقـ,ـتلوا أي حد يحاول يمنعكم!» مريم صرخت، وجريت حضنتني. أما أنا، فبصيت ناحية الباب، وحطيت إيدي على كتفها.
لأن الصوت اللي سمعته تحت… كان صوت محمود، الحارس اللي كنت لسه طارده من شوية. واللي واضح إنه ماكانش مجرد حارس خاين. ده كان واحد من الناس اللي طول عشرين سنة بيحاولوا يدفنوا الحقيقة… حتى لو اضطروا يقـ,ـتلوا طفلة عندها خمس سنين عشان السر يفضل مدفون.
#حكايات_شروق_خالدصوت خطوات رجالة كتير كان بيقرب من السلم، ومريم كانت بتترعش في حضني، لدرجة إني حسيت إن قلبها الصغير هيقف من الخوف. حضنتها أكتر وقلت لها: «بصيلي يا مريم، إنتِ مش لوحدك، سامعة؟ طول ما أنا عايش، محدش هيقدر يقرب منك.
» رفعت عينيها ليا، والدموع مغرقة وشها.«بجد يا عمو ياسين؟ أصل ماما كانت بتقول لي إن فيه ناس وحشة هتيجي تاخدني، وإن لازم أفضل مخبية المفتاح لحد ما ألاقي الراجل اللي في الصورة. » بصيت لسعاد بسرعة.
«إنتِ كنتِ عارفة إن البنت دي مستنياني؟» هزت راسها وهي بتعيط.«أيوه، بس والله ماكنتش أعرف إنك هتيجي النهارده. أمها سابت لي جواب قبل ما تمـ,ـوت، وقالت لي أسلّمه ليك بنفسها لو ظهرت البنت ومعاها المفتاح.
» طلعت من جيبها ظرف قديم، كان لونه أصفر من كتر السنين، ومدّتهولي. لكن قبل ما آخده، الباب اتخبط خبطة عنيفة.«افتحوا الباب!» صوت محمود جه من ورا الباب.«يا ياسين بيه، الموضوع خلص. سلّم البنت والمفتاح، وإنت هتخرج من هنا سليم.
» ضحكت بسخرية وأنا ببص ناحية الباب.«إنت فاكرني واحد من الرجالة اللي بتخوفهم بكلمتين؟» رد من بره: «أنا مش عايز أأذيك، بس إنت مش فاهم إنت داخل على إيه. المفتاح ده مش بتاعك، والبنت دي مش بنتك، ومش من حقك تتدخل في الموضوع.
