زعيم المافيا وقبلة المزاد حكايات شروق خالد
سليم قرب منه.
المفتاح دخل في قفل صغير.
فتح الدولاب.
جواه صندوق أسود.
فتحوه.
كان فيه ملفات، تسجيلات، صور، وتحويلات بنكية.
وفوق كل ده كانت فيه فلاشة صغيرة، ومعاها ورقة بخط أم نورهان.
نورهان فتحت الورقة وإيديها بتترعش.
“لو نورهان هي اللي بتقرأ الكلام ده، يبقى أنا ما قدرتش أحميها.”
دموعها نزلت.
وكملت القراءة.
“أبوكي حاول يخرج من العصابة بعد ما عرف الحقيقة. وأنا ساعدته. ملك ما ماتتش بسبب العملية… اتقتلت لأنهم كانوا خايفين إنها تفضحهم.”
نورهان شهقت.
وفي آخر الورقة:
“سليم مش عدوك يا بنتي. هو الوحيد اللي حاول يعرف الحقيقة، حتى لو كان غضبان ومش فاهم كل حاجة.”
سليم وقف ساكت.
نورهان بصت له.
“أمي كانت عارفاك.”
“أيوه.”
“وكانت واثقة فيك؟”
سليم بص لها.
“كانت أكتر واحدة صدقت إني هكمل.”
فتحوا الفلاشة.
ظهر تسجيل قديم.
والد نورهان كان فيه، ومعاه الدكتور المسؤول عن علاج ملك، وفريد، ورجل آخر.
الصوت كان واضح.
اعتراف كامل بكل اللي حصل.
وباسم الشخص اللي أصدر الأوامر.
نورهان بصت لسليم.
“ده… عمك؟”
سليم اتجمد.
الرجل اللي ظهر في التسجيل كان عم سليم، الشخص اللي كان طول السنين بيمثل إنه واقف جنب سليم وبيساعده.
سليم قبض إيده.
كل الخيوط اتجمعت.
الراجل اللي قتل ملك.
الراجل اللي قتل والد نورهان.
الراجل اللي كان بيدور على المفتاح.
كان أقرب شخص لسليم.
—
بعد ساعات، كانت الشرطة محاصرة الفيلا.
الأدلة وصلت للنيابة.
فريد والدكتور وباقي أفراد العصابة اتقبض عليهم.
أما عم سليم، فحاول يهرب، لكن التسجيلات والتحويلات كشفت كل حاجة.
ولأول مرة من سبع سنين، سليم وقف قدام قبر أخته.
حط وردة على القبر.
وقال:
“حقك رجع يا ملك.”
نورهان كانت واقفة بعيد.
لما خلص، قربت منه.
قالت:
“أختك كانت هتبقى مبسوطة.”
بصلها.
“وإنتِ؟”
“أنا؟”
“مبسوطة؟”
نورهان ابتسمت رغم دموعها.
“لأول مرة في حياتي… آه.”
سليم سكت.
وبعدين قال:
“أنا آسف.”
“على إيه؟”
“على أول مرة شوفتك فيها.”
نورهان ضحكت.
“القبلة؟”
سليم لأول مرة ابتسم.
“أيوه.”
“أنا مش نسيتها.”
“وأنا كمان.”
سكتوا لحظة.
وبعدين نورهان قالت:
“بس المرة دي لو قربت مني…”
سليم رفع حاجبه.
“أعمل إيه؟”
ابتسمت.
“تسأل الأول.”
ضحك سليم.
وبعد سنين من القسوة، كان دي أول مرة نورهان تشوفه بيضحك بجد.
—
مرت شهور.
نورهان قدرت ترجع شغلها في المستشفى، وسليم خرج من عالم الجريم.ة نهائياً بعد ما سلّم كل الأدلة اللي معاه للجهات المختصة.
