زعيم المافيا وقبلة المزاد حكايات شروق خالد
“أيوه.”
“وقالت لك إيه عنه؟”
نورهان هزت راسها.
“ولا حاجة. كانت دايماً بتقول لي ما أشيلوش من رقبتي.”
سليم بص للمفتاح تاني.
“هي كانت عارفة.”
نورهان اتعصبت.
“عارفة إيه؟! كل واحد فيكم بيتكلم نص كلام ويسيبني أموت من الخوف!”
سليم قرب منها.
“نورهان، اسمعيني كويس. أمك ما كانتش مجرد ست فقيرة ماتت وخلاص.”
نورهان عينيها اتملت دموع.
“إنت عايز تقول لي إيه عن أمي؟”
سليم سكت لحظات.
“كانت شاهدة.”
“على إيه؟”
“على اللي حصل لأختي.”
نورهان حست إن الأرض بتتهز تحت رجليها.
“يعني أمي كانت موجودة يوم ما ملك ماتت؟”
سليم هز راسه.
“أيوه.”
“وكانت تعرف مين قتلها؟”
“كانت تعرف أكتر من كده.”
نورهان قربت منه.
“إنت ليه ما قلتليش من الأول؟”
سليم بص في عينيها.
“لأني ما كنتش متأكد إنك مش جزء من اللعبة.”
نورهان اتصدمت.
“أنا؟!”
“أيوه.”
“إنت شايفني مجرمة؟”
“أنا ما بثقش في حد.”
“حتى أنا؟”
سليم سكت.
السؤال ده وقف بينهم لحظة.
وبعدين قال:
“خصوصاً إنتِ.”
نورهان بصت له باستغراب.
“ليه؟”
سليم ما ردش.
لأنه هو نفسه ما كانش عارف.
من أول ما شافها وهي مختلفة.
مش لأنها جميلة.
ولا لأنها كانت الوحيدة اللي ما خافتش منه.
لكن لأنها كانت أول شخص من سنين يخليه يحس إنه عايز يحمي حد بدل ما يأذيه.
صوت تامر قطع الصمت.
“سليم باشا.”
سليم لف له.
تامر كان واقف عند الباب ووشه متوتر.
“إحنا لازم نمشي حالاً.”
“ليه؟”
“المكان اتكشف.”
سليم بص ناحية الشارع.
ثواني…
وسمعوا صوت عربيات بتقف قدام البيت.
وبعدين صوت أبواب بتتفتح.
نورهان قربت من الشباك.
شافت أربع عربيات سوداء.
“مين دول؟”
سليم مسك إيدها.
“ما تبصيش.”
لكنها شافت.
رجالة مسلحة نزلت من العربيات.
نورهان شهقت.
“هما جايين عشاني؟”
سليم شدها وراه.
“من اللحظة دي، ما تبعديش عني.”
“بس…”
“نورهان!”
نبرة صوته خلتها تسكت.
رفع سليم مس.دسه.
وقال لتامر:
“الطريق الخلفي.”
تامر هز راسه.
“مقفول.”
سليم بص له.
“يبقى نفتح طريقنا بنفسنا.”
دوى صوت رصاص من بره.
الزجاج اتكسر.
نورهان صرخت ونزلت على الأرض.
سليم وقف قدامها بجسمه.
“انزلي!”
الرصاص كان بيخبط في الحيطان.
رجالة سليم ردوا من الناحية التانية.
الدنيا تحولت لفوضى.
تامر صرخ:
“سليم! لازم نتحرك!”
سليم مسك نورهان من إيدها.
“تعالي.”
جرى بيها ناحية المطبخ.
فتح باب صغير خلف دولاب قديم.
نورهان بصت له بدهشة.
