بنتي كانت في العمليات، ج2 حكايات شروق خالد

تاني يوم الصبح، كنت قاعدة جنب ملك وبساعدها تفطر، لما موبايلي رن، ولقيت أستاذ كريم المحامي بيتصل بيا. رديت بسرعة وقلتله:
«صباح الخير يا أستاذ كريم، في جديد؟»
قال بصوت جاد:
«صباح النور يا ندى. وصلتنا صورة من الملف، وفيه تفاصيل لازم تعرفيها، بس أنا عايزك تهدي وتسمعيني للآخر».

حسيت إن إيدي بردت، وسألته:
«في إيه؟ هو الموضوع كبير للدرجة دي؟»
قال:
«الطلب المالي اتقدم من خلال مكتب خدمات مالية، واسمك موجود بصفتك ضامنة لالتزام مالي. المشكلة إن فيه إقرار بالموافقة منسوب ليكي، لكن لحد دلوقتي مفيش دليل كافي يثبت إنك وقّعتي بنفسك أو إنك وافقتي على الضمان».

حطيت إيدي على صدـ,,ـــري وقلت:
«ضامنة؟ يعني لو الشخص اللي عليه الفلوس ما دفعش، ممكن يطالبوني أنا؟»
رد:
«ده احتمال بيتوقف على صحة المستندات والإجراءات القانونية. عشان كده لازم نتــ,,ـــــحرك بسرعة، ونطلب وقف أي إجراء متعلق بيكي لحد ما يتم التحقق من صحة التوقيع والتفويض».

سألته:
«طب مين الشخص اللي اسمه موجود في الطلب؟»
سكت ثواني، وبعدها قال:
«اسم المستفيد المرتبط بالطلب هو سارة محمود».حسيت إن الأرض بتلف بيا. سارة!أختي اللي كانت واقفة قدامي من يومين وبتقولي إن الموضوع مجرد إجراءات عادية. قلت بصوت مبحوح:
«يعني أختي استخدمت اسمي عشان تضمن فلوس؟

»
قال بسرعة:
«استني يا ندى. إحنا لسه ما نقدرش نقول إنها هي اللي قدمت المستند أو إنها كانت عارفة بكل تفاصيله. اسمها موجود في الملف كمستفيدة، لكن المسؤولية لازم تتحدد بالأدلة».قلتله:
«أنا مش عايزة أظلــ,,ـــــمها، بس مش هسمح لحد يلبسني حاجة أنا ما عملتهاش».

رد:
«وده حقك. هجهزلك طلب رسمي للاعتراض على صحة الإقرار، وهنطلب مراجعة أصل المستند وطريقة التحقق من الهوية والتوقيع».بعد ما قفلت معاه، فضلت ساكتة فترة طويلة. كنت فاكرة إن أسوأ حاجة ممكن تحصل هي إن أهلي يبعدوا عني وقت ما بنتي تكون محتاجاهم، لكني ما تخيلتش إن اسمي ممكن يدخل في التزام مالي أنا ما أعرفش عنه حاجة.

ملك بصتلي وقالت:
«ماما، إنتِ بتعيطي ليه؟»
مسحت دموعي بسرعة وابتسمت.«عيني بس تعبانة يا حبيبتي».قالتلي ببراءة:
«طب لما نروح البيت، هعملك رسمة تفرحك».حــ,,ـــــضنتها وقلت:
«إنتِ فرحتي يا ملك، من غير ما تعملي أي حاجة».بعد الظهر، سارة اتصلت بيا تاني.