بنتي كانت في العمليات، ج1 .حكايات شروق خالد

كان قرار إني أحمي نفسي وبنتي، وأبطل أتحمل مسؤولية ناس شايفين إن مساعدتي ليهم واجب، وإن احتياجي ليهم عبء. بعدها فتحت تطبيق البنك، وكتبت رسالة لموظفة خدمة العملاء اللي بتابع معاها حساباتي، بطلب مراجعة الالتزامات الشهرية المرتبطة بحسابي والتأكد من عدم وجود أي تحويلات أو تفويضات تانية مستمرة من غير ما أكون محتاجاها.

قفلت الموبايل، وسندت راسي على الحيطة. ماكنتش أعرف إن القرار الهادي ده هيقلب حياتهم كلهم بالشكل ده. لكن اللي حصل بعد كده كان أكبر بكتير من مجرد فلوس اتوقفت. لأن تاني يوم الصبح، وأنا لسه في المستشفى جنب ملك، سمعت صوت خطوات سريعة جاية ناحيتي.

رفعت راسي، ولقيت بابا محمود واقف قدامي، ووشه أحمر من الغضب. ورا ضهره كانت ماما منى، وسارة، ولسه لابسة نفس فستان الحفلة. بابا قرب مني وقال بصوت عالي:
«إنتِ عملتي إيه يا ندى؟!»
بصيتله باستغراب.«عملت إيه يا بابا؟»
ضــ,,ـــــرب بإيده على الكرسي اللي جنبي وقال:
«إنتِ وقفتي التحويلات!

إنتِ فاكرة إنك تقدري تعملي اللي إنتِ عايزاه من غير ما ترجعي لنا؟»
بصيت لماما، وبعدها لسارة، وفهمت إنهم لسه ما سألوش حتى عن ملك. ولا واحد فيهم قال: بنتك عاملة إيه؟ولا واحد فيهم سأل إذا كانت فاقت أو قدرت تحرك رجليها.

كل اللي شاغل بالهم كان الفلوس. وقفت من مكاني بالراحة، وبصيت لباب العناية اللي بنتي نايمة وراه، وبعدها رجعت بصيت لهم. وقلت جملة واحدة خلتهم كلهم يسكتوا:
«قبل ما تسألوني عن الفلوس، حد فيكم يقدر يقولي ملك عاملة إيه؟»
يتبع…

#حكايات_شروق_خالدبابا محمود وقف قدامي، وبصلي كأنه مش مصدق إني سألته السؤال ده. قال بعصبية:
«إحنا جايين نتكلم معاكي في موضوع مهم، مش وقت الكلام عن البنت دلوقتي!»
بصيتله وأنا حاسة إن قلبي بيتعصر.«مش وقت الكلام عن بنتي؟! أمال إيه الوقت المناسب يا بابا؟

لما تبقى بخير؟ ولا لما يحصل لها حاجة وحشة؟ ولا لما أكون دفــ,,ـــــنتها، لا قدر الله؟»
ماما منى بصت حواليها بسرعة، وكأنها خايفة حد من اللي في المستشفى يسمعني. وقالت بصوت واطي لكنه مليان غضب:
«وطي صوتك يا ندى! إنتِ عايزة تفضحينا قدام الناس؟

»
ضحكت ضحكة قصيرة، ضحكة طالعة من كتر القهر، وقلت لها:
«أفضحكم إزاي يا ماما؟ أنا عملت إيه؟ أنا قاعدة جنب بنتي اللي دخلت عملية خطيرة، وإنتوا اللي سايبينها وجايين تتخانقوا معايا عشان الفلوس!»
سارة دخلت في الكلام وهي بتبصلي من فوق لتحت.«بصي يا ندى، بلاش تمثيل دور الضحية ده.