بنتي كانت في العمليات، ج1 .حكايات شروق خالد

كنت قاعدة في ممر المستشفى، كتفي بيوجعني، وهدومي لسه عليها آثار الدــ,,ـــــادثة، وبنتي جوه العمليات، وأنا مش عارفة إذا كنت هشوفها بتضحكلي تاني ولا لأ. وفي نفس الوقت، أهلي بيحتفلوا وبيتصوروا وبيضحكوا. لكن اللي سارة ما كانتش تعرفه، واللي ماما وبابا نفسهم ما كانوش يعرفوه، إن حياتهم كلها كانت متعلقة بحاجات أنا اللي بعملها في السر من سنين.

فلوس، والتزامات، وديون، ومصاريف كانوا فاكرين إنها بتتدبر لوحدها. وأنا طول عمري كنت بسدد، وبساعد، وبحل مشاكلهم، من غير ما أتكلم، ومن غير ما أطلب منهم حتى كلمة شكر. لكن الليلة دي، وأنا قاعدة قدام أوضة العمليات، بصيت لبابها المقفول، ومسحت دموعي بإيدي.

وقلت لنفسي بهدوء:
«كفاية يا ندى».المرة دي مش هعاتبهم، ومش هترجاهم، ومش هحاول أثبت لهم إن بنتي تستاهل حبهم. أنا هاخد قرار، قرار محدش فيهم هيقدر يغيره. بس قبل ما أعمل أي حاجة، لازم أستنى بنتي تخرج من العملية بسلام.

لأن ملك هي الوحيدة اللي تستاهل كل قوتي، وكل حبي، وكل اللي باقي من عمري. وهم؟هم لسه فاكرين إن ندى هتفضل البنت اللي بتشيل الكل، وتسكت، وتسامح، وترجع تساعدهم مهما عملوا فيها. لكن الليلة دي كانت آخر ليلة هسمح فيها لحد يستغل حبي ليه عشان يكسرني.

وفجأة، باب أوضة العمليات اتحرك. قمت من مكاني بسرعة، وقلبي كان هيخرج من صدـ,,ـــري. الدكتور سامح خرج، ووشه كان جاد، وبصلي وقال:
«مدام ندى، محتاج أتكلم معاكي في موضوع مهم بخصوص بنتك».حسيت إن الدم نشف في عروقي.

«ملك حصل لها إيه يا دكتور؟ أرجوك طمني!»
بصلي وقال:
«العملية لسه ما خلصتش بالشكل اللي كنا متوقعينه، وفي حاجة لازم تعرفيها قبل ما نكمل».يتبع…بصيت للدكتور سامح وأنا حاسة إن قلبي هيقف من الخوف، ومسكت دراعه وقلتله وأنا بعيط:
«بنتي فيها إيه يا دكتور؟

والنبي قولّي، ملك حصل لها إيه؟»
الدكتور بصلي وقال بهدوء:
«اهدي يا مدام ندى، بنتك لسه جوه العمليات، وإحنا بنعمل كل اللي نقدر عليه. بس الإصابة اللي في العمود الفقري أخطر مما كنا متوقعين، ومحتاجين وقت أطول عشان نقدر نثبت الفقرات المصابة ونقلل الضرر قدر الإمكان».

حطيت إيدي على بُقي، وحسيت إن رجلي مش شيلاني.«يعني إيه يا دكتور؟ يعني بنتي ممكن متقدرش تمشي؟»
سكت لحظة، وبعدها قال:
«مش هنقدر نحكم دلوقتي. حتى لو العملية نجحت، هي هتحتاج فترة علاج وتأهيل طويلة، وممكن تحتاج مساعدة في الحركة في البداية.