«ماتقوليش لحد إني صحيت#حكايات_شروق_خالد
قال بصوت واطي:
«هو جه ليه؟»
ياسين رد:
«عشان يخلص اللي بدأه.»
أنا حسيت بخوف شديد.
«يعني إيه؟»
ياسين بصلي.
«مريم… مهما حصل، ماتسيبيش يونس لوحده.»
قبل ما ألحق أرد، سمعنا صوت الباب الخارجي بيتفتح بعنف.
الدكتور رامي دخل.
وفي إيده الحقيبة.
أول ما شاف الشرطة…
وقف.
وبعدين بص لسيف.
وسيف بص له.
ثواني صمت.
وبعدين الدكتور رامي قال:
«أنا جيت عشان أنقذ ياسين.»
الضابط رد:
«الحقيبة اللي في إيدك فيها إيه؟»
الدكتور ابتسم ابتسامة غريبة.
«أدوية.»
الضابط مد إيده.
«افتحها.»
الدكتور رامي ما اتحركش.
«دي أدوية خاصة، ومينفعش حد يلمسها.»
الضابط قال:
«افتحها.»
الدكتور بدأ يفتح الحقيبة ببطء.
لكن قبل ما يفتحها بالكامل…
ياسين صرخ:
«مريم! ابعدي عنه!»
لفيت.
الدكتور رامي كان موجه حاجة صغيرة ناحيتي من جوه الحقيبة.
وسيف في نفس اللحظة جرى ناحية الباب.
والضابط صرخ:
«محدش يتحرك!»
لكن كل حاجة حصلت في ثواني.
نادين صرخت.
سيف خبط الضابط وهرب.
الدكتور رامي حاول يجري.
وأنا فضلت واقفة مكاني، مش قادرة أتحرك.
وفجأة…
سمعت صوت يونس بيعيط من فوق.
رفعت عيني للسلم.
كان يونس واقف على باب الأوضة، وبيعيط وبيقول:
«ماما…»
الدكتور رامي بص ناحيته.
وبعدين بصلي.
وقال بهدوء:
«لو عايزة ابنك يفضل عايش… هتعملي اللي أقولك عليه.»
ساعتها فهمت إن الحكاية كلها لسه ما خلصتش.
وإن السر اللي في الملف…
ماكانش أخطر حاجة.
الأخطر إن سيف والدكتور رامي كانوا بيخفوا حقيقة تانية…
حقيقة تخص يونس نفسه.الدكتور رامي أول ما قال الجملة دي، حسيت إن رجلي مش شايلاني.
بصيت على يونس.
ابني كان واقف على السلم، عيونه مليانة دموع، ومش فاهم حاجة.
صرخت:
«يونس! ادخل الأوضة واقفل الباب!»
الدكتور رامي رفع الحاجة اللي في إيده ناحيتي.
«ماتتحركيش.»
الضابط كان بيحاول يقرب منه من الناحية التانية.
الدكتور قال:
«لو قربت خطوة، الولد هيموت.»
الضابط وقف.
«حط اللي في إيدك على الأرض.»
الدكتور ضحك.
«إنت فاكرني غبي؟»
وفجأة ياسين صرخ:
«مريم… بصي وراكي!»
لفيت.
لقيت نادين واقفة ورايا.
وفي إيدها مقص كبير.
صرخت:
«نادين!»
لكن قبل ما توصل لي، الضابط التاني مسك إيدها ووقع المقص على الأرض.
نادين بدأت تصرخ:
«سيبني! سيبني!»
وفي نفس اللحظة، سمعنا صوت خبط جامد فوق.
سيف كان طالع ناحية يونس.
صرخت:
«ابني!»
جريت على السلم.
