حكايات شروق خالد ج1
لكن بعد ما الجهاز اتشال من ودني، بدأت أفتكر حاجات كانت مدفونة في ذاكرتي. كنت طفل عندي ست سنين، وفي ليلة من الليالي، أخدوني مكان غريب، وكان فيه بنت صغيرة بتعيط وبتحاول تساعدني». وبعدين فتح درج مكتبه وطلع صورة قديمة، أطرافها كانت محروقة.
ناولني الصورة، وأول ما بصيت فيها، حسيت إن الدم اتسحب من وشي. الصورة كانت لطفلين واقفين قدام بيت قديم. الولد كان سليم، رغم إنه كان صغير جدًا. أما البنت، فكانت طفلة شعرها أسود طويل، وعينيها شبه عينيّ بالظبط. وفي إيدها سلسلة صغيرة عليها تعليقة على شكل قلب.
حطيت إيدي على رقبتي من غير ما أحس. كانت نفس السلسلة اللي لابساها من وأنا طفلة، واللي أمي قالت لي قبل ما تمــ,,ـــــوت إنها آخر حاجة فاضلة لي منها. بصيت لسليم بصدمة.«إنت جبت الصورة دي منين؟ » كتب لي: «كانت مخبية في أوراق أبويا.
وتحتها مكتوب اسم واحد بس… مريم».حسيت إن رجلي مش شايلاني، فقعدت على الكرسي وأنا بحاول أستوعب. يعني أنا وسليم كنا نعرف بعض من وإحنا صغيرين؟!طب ليه ما افتكرتوش؟ وليه أبويا خبّى كل حاجة عني؟
وقبل ما أقدر أسأله، سليم فتح درج تاني وطلع مسدس صغير، وحطه في جراب تحت الجاكيت. قلبي اتقبــ,,ـــــض. كتبت له: «إنت ناوي تاخدني معاك للمخزن؟» بص لي وهز راسه. كتبت بسرعة: «أنا خايفة يا سليم».
وقبل ما أقدر أسأله، سليم فتح درج تاني وطلع مسدس صغير، وحطه في جراب تحت الجاكيت. قلبي اتقبــ,,ـــــض. كتبت له: «إنت ناوي تاخدني معاك للمخزن؟» بص لي وهز راسه. كتبت بسرعة: «أنا خايفة يا سليم».
قرب مني، ورفع إيده كأنه عايز يطمنّي، لكنه وقف قبل ما يلمس وشي، وكأنه خايف أرفض. وبعدين كتب: «وأنا كمان خايف. بس مش هسيبك تواجهِي الحقيقة لوحدك».الكلام ده خلاني أبص له بطريقة مختلفة. الراجل اللي الناس كلها بتوصفه بالوحش، كان واقف قدامي وبيعترف إنه خايف، من غير ما يحاول يخبّي ضعفه ورا قوته.
هزيت راسي بالموافقة. وبعد دقائق، كنا في العربية، متجهين ناحية شبرا. الطريق كان هادي بشكل غريب، والسماء لسه ضلمة، والشوارع شبه فاضية. سليم كان قاعد جنبي، وعينيه بتراقب الطريق، وكل شوية يبص لي كأنه بيتأكد إني لسه موجودة.
بعد حوالي نص ساعة، العربية وقفت قدام مخزن قديم، بابه الحديد مصدي، وحواليه مباني مهجورة. نزلنا، وراجلين من حراسة سليم مشيوا قدامنا. سليم قرب من الباب، ولف المفتاح اللي كان معاه. الباب اتفتح بصوت صرير طويل. دخلنا.
