حكايات شروق خالد ج1

أمي مدت إيدها ناحية درج الترابيزة، وطلعت ملف قديم. فتحته، وناولته لسليم. وقالت: «ده الدليل على كل حاجة. أبوك ما كانش بيحاول يسيطر عليك وبس… هو كان عايز يمحي حقيقة إنك اتخطفت وإنت طفل، وإن الشخص اللي خطفك كان أقرب واحد ليك».

سليم أخد الملف، وبدأ يقلب في الورق. وفجأة، وشه اتغير. كان فيه تقرير طبي قديم، وصور للجهاز، وتوقيعات لأشخاص ماتوا من سنين. لكن في آخر صفحة، كان فيه اسم مكتوب بخط واضح. طارق المنشاوي. اسم عم سليم، الراجل اللي كان ماسك جزء كبير من شغله بعد وفــ,,ـــــاه أبوه.

سليم رفع عينه لأبويا، وكتب على موبايله: «يعني عمي هو اللي كان ورا كل ده؟» أبويا ما ردش. لكن أمي قالت وهي بتبص له بحزن: «عمك هو اللي أمر بزرع الجهاز، لكن أبوكي يا مريم هو اللي ساعده. وكل واحد فيهم كان عنده سبب مختلف».حسيت بوجع شديد في صدـ,,ـــري.

أبويا ما باعنيش بسبب القمار بس. هو كان جزء من مؤامرة طويلة، وكل اللي حصل لي كان مرتب من قبل ما أعرف حتى إن سليم موجود. وفجأة، سمعنا صوت تصفيق بطيء جاي من بره الأوضة. لفينا كلنا ناحية الباب. كان فيه راجل واقف، لابس بدلة سودا، وبيبتسم ابتسامة باردة.

سليم أول ما شافه، قبــ,,ـــــض إيده لدرجة إن مفاصل صوابعه ابيضّت. الراجل قال: «برافو يا سليم. أخيرًا عرفت الحقيقة».وبص لي، وبعدها قال: «بس فيه حاجة واحدة لسه ما تعرفوهاش… مريم مش مجرد بنت الراجل اللي ساعدني».

قرب خطوة، وابتسامته اختفت.«مريم هي الوحيدة اللي تقدر تفتح الخزنة اللي أبوك خبّى فيها الدليل الأخير. والدليل ده لو ظهر، مش هيدمّر عيلتي لوحدها… ده هيدمّر كل اللي إنت بنيته يا سليم».سليم وقف قدامي فورًا، ورفع إيده إشارة لرجالته إنهم يستعدوا.

أما أنا، فبصيت للراجل وأنا مش فاهمة. ليه أنا؟!إيه علاقتي بالخزنة؟ وإيه الدليل اللي ممكن يدمّر حياة سليم؟الراجل طلع من جيبه صورة صغيرة، ورماها على الترابيزة. كانت صورة ليا وأنا طفلة، واقفة جنب سليم الصغير، وإحنا الاتنين ماسكــ,,ـــــين مفتاح دهبي على شكل قلب.

وبص لي وقال: «المفتاح ده لسه معاكي يا مريم، صح؟» حطيت إيدي على السلسلة اللي في رقبتي. وفجأة، افتكرت كلام أمي من سنين…«إوعي تقلعي السلسلة دي يا مريم، مهما حصل. دي أمانتك الوحيدة».رفعت عيني لسليم، ولقيته بيبص للسلسلة بصدمة.